طيارة ورق

لما بحبنى اوى

2010-12-02T07:06:00.000-08:00

لما البس اخضر على بنى و لا اكل الايس كريم و هو سايح و الشيكولاتة و هى سخنة و احط الحبهان على كل حاجة حتى الشاى

دة معناه انى قررت و نفذت وما الزمتش حد انه ينفذ معايا او حتى يوافقنى

القرار سارى على انــــــا و بس

بمعنى ادق عندما اتكلم على العالم ان يستمع او يدينى ضهرة و يعمل عبيط

:()

شيء ما

2010-11-27T11:11:00.000-08:00

إننا نموت بشكل متجزئ!

يموت الفرح، تموت الذاكرة، تنحني الأشواق

ندخل في الرتابة، ثم ننسحب

نشيخ بسرعة، وبشكل مذهل

شيء ما يتأكل يوميا في داخلنا ولا نشعر

*****

@واسيني الأعرج

لية لازم يكون عند انتين اكونت على الفيس بوك

2010-11-01T18:17:00.000-07:00

لية لازم يكون عند اتنين اكونت على الفيس بوك؟؟

شأنا ام أبينا الفيس بوك ظاهرة حيايتية دخلت فى مرحلة الادمان بغض النظر عن كره البعض ليه -و انا منهم لاسباب شخصية بحته- لكن عامل زى لا بحبك و لا بقدر على بعدك...المهم السؤال اللى بيطرح نفسه دلوقتى لية لازم يكون عند انتين اكونت على الفيس بوك؟؟

بعيدا عن نظرة المنظرة عشان مابئتش حاجة مبهرة انك يكون عندك عشروميت ميل و خمستراشر اكونت على الفيس او الهاى فايف او تويتر ...ألخ

للاسف الشديد الفيس بوك جمعك مع ناس انت فى الحياة العادية اصلا مافيش بينك و بينهم عمار و ناس سخيفة و ناس سمجة ...و ماباليد حيلة يا صاحبى مجبر تضيفهم لانهم ضافوك و كل لما يشوفوا وشك هيسألوك ماقبلتنيش ليه يا مان انا ضفتك ع الفيس بوك

!!!!!!!!!!!!!!!!!!!!!!!!!!

1-انت ماتقدرش تتجاهلهم لانهم واقع فى حياتك اتفرضوا عليكى فى الواقع الافتراضى - الانترنت
-

2-ماينفعش تمسحهم عشان هيضيفوك تانى و ممكن يكونوا معاك فى الشغل و لا حتى فى عيلتك و قلة ذوق انك تمسحهم عشان هم مش هيستسلموا و هيجوا يسالوك انت مسحتنا و لا اية يا برنز
!!!!!!!!!!!!!!

3-ممكن تعملهم هايد بحيث ماتشوفش اخبارهم لكن مش هتقدر تمنعهم يعلقوا على الوول بتاعتك -مش معقول كل لما تكتب حاجة هتعملها برايفت و تحدد الناس اللى تقراها و تعلق عليها- ولا تكتب حاجة و بين قوسين (الناس السخيفة تمتنع)...مش منطقى انك تكون فى بيتك و مش حاسس بالحرية

4-ينفع كل لما حد يعلق تعليق سخيف تمسح التعليق -لكن بردوا الموضوع مش مجدى

عشان كدة لازم يكون عندك اكونت مجمع فيه الشعب كلة ..بكل طبقاته و افكارة و عقلياتة و سخافاته..و اكونت تانى ليك انت و بس...انت و الناس العاقلة اللى بتعرف امتى تهزر على الستاتيس بتاعتك و امتى تتكلم جد...امتى تعملك دعم و امتى تهاجمك و تردك عن الغلط...العالم الىل انت كونته لنفسك و بترتاح فيه و بتكون فيه انت زى ما انت بدون تكلفة او خوف من سخافة الاخرين

مش هنسى ان فى بعض الاحيان السخافة بتكون مجدية لكن مرة فى السنه مش على طول الخط

رجاء اخير:

لكل شخص سخيف و كل شخص مايعرفش انه سخيف -فلتقل خير او لتصمــــــــــــــــــــــــت-

نسيان دوت كوم

2010-09-19T19:07:00.000-07:00

أيها (الرجال الرجال) سنصلى لله طويلا كى يملأ بفصيلتكم مجددا هذا العالم و أن يساعدنا على نسيان الاخرين ...

* احلام مستغانمى

خواطر

2010-09-17T08:55:00.000-07:00

اكتب عن اى حاجة ..عن الماضى.. عن الحاضر ..عن المستقبل .. عن الجسر اللى انت واقف علية عمال يتحرك بيك يمين و شمال هيقع بيك فى اى لحظة ..اكتب عن احلامك.. عن طموحك ..عن يومك ..عن اللحظة اللى انت فيها دلوقتى ..اكتب اى كلام عبيط مالوش معنى ..اكتب نكتة ..اكتب اى حاجة بس لازم تكتب ..اكتب عشان محتاجة اقرء

********

فجأةحسيت ان كتب التنمية البشرية و كيفية التعامل مع الذات و الناس من تأليف ارسطو فى بحثة عن المدينة الفاضلة ..كتب مثالية بسذاجة...كتب صعب ننفذ اللى فيها و احيانا يستحيل ..تفكير و تحليل و تضحية و تفهم و تعاونو حب و و و و ..............الخ الخ ...مصطلحات مش مفهومة و لا محسوسة بالنسبة لى ...عارفة ان الكتب مش مثالية بس يكفى انى حاسة انها مثاليتها سخيفة اوى

ذاكرة الجسد

2010-09-16T20:24:00.000-07:00

لان كل شئ معلق بين السماء والارض..هو شئ يعمل موته معه..احلام مستغانمى

2010-08-05T16:26:00.000-07:00

انا مش فارس و لا فتى احلام

انا زحمة و ربكة و شغل جنان

نصى بيضحك و التانى زعلان

انا شيخ فلتان

طيب شرير و جرئ و جبان

اوقات مشرق و اوقات بهتان

و ساعات سلم و ساعات تعبان

مفترى جدا و كامن غلبان

شبابيك و ببان

توهة عنوان

انا م الاخر عفريت لابس بدلة انسان

انسان** بلاك تيما

رسالة الى كل فاشل و انا اولهم

2010-08-01T18:28:00.000-07:00

.. رسالة الى كل الفشلة و كل مواقف الفشل بأدق تفاصيلها

مبدئيا لازم نتفق انك فاااااشل

فشلت فى كل حاجة عملتها فى حياتك إلا حاجة واحدة بس نجحت فيها .... نجحت و بجدارة و باجتهاد انك تكون فاااااااااااااشل

يا فاشل

.و نجاحك فى الفشل فى حد ذاته نجاح..انت فاشل ناجح جدا جدا جدا..

بردوا يا فاشل

و انا من اعماق اعماق معاميعى اهنيك و احييك على نجاحك فى فشلك و احب اقولك انك رمز للأمل فى حياتى ..انت الشمعة اللى بتنورلى حياتى --على رأى الله يمسيها بالخير--لانك و رغم فشلك فأنت ناجح و فى يوم من الايام هتنجح انك تخسر فشلك زى مانجحت بالظبط انك تكسب الفشل ...

يا فاااااااااااااااااشل

على جنب :

فاشلة و افتخر وماحدش لى عندى حاجة

مكعب سكر

2010-07-13T16:35:00.000-07:00

ضايع منى ازازة المية و مش راضيه الطيارة تطير

راح الصبر و رجع الصبر و تعب القلب و لسه كتير

اة يا تى شيرت العمر يا ابيض لفيت بيك مشاوير مشاوير

 ***********

املك صورة انا فيها صغير شكلى اتغير ماعرفتوش

كان فى جيوبى مكعب سكر داب السكر مالقتهوش

و اما اتقطعت منى الساعه وقع الوقت لقتنى كبير

************

اعرف واحد قال للواحد اهمل صاحبك و اقسى عليه

واحد قال للواحد نفسه انت مزعل صاحبك ليه

واحد حاول يعرف واحد طلع الواحد صفر كبير

مكعب سكر

استغرق كى تمتنع

2010-07-01T11:51:00.000-07:00

احيانا يكون الاستغراق فى فعل الامر طريقا كى تمتنع عن فعل هذا الامر

فاستغراقنا فى البكاء طريقا كى نمتنع عن سكب الدموع انهارا

و استغراقنا فى الكتابة طريقا لمواجهة بعضا من صراخ اراواحنا

و استغراقنا فى كتابة حروف متراصة بلا معنى طريقا للهروب من مواجهة الحقيقة

المهم ان نستغرق فى فعل مانود الاقلاع عنه

احساس مؤلم بالفشل

2010-06-14T16:53:00.000-07:00

FAILURE... 

when your best just isn't good enough 

يا خسارة :(

2010-06-13T08:35:00.000-07:00

بعض الكلمات الغبية بتتقال بأسلوب اغبى تحسسك انك خسران اوى فى حياتك لمجرد انك اتعشمت خير فى حد و جايز خسرت لانك ماعرفتش تحسبها صح
!!!!!

**************

منتهى الخسارة ان الانسان اللى المفترض انه يعرفك اكتر منك مش عارف عنك اى حاجة و الاكتر انه بيتهمك بحاجات تصدمك ... فاضل يقول انت السبب فى هزيمة 67 لولا انك كنت لسه ماتولدتش
!!!!

miss the child inside me

2010-06-10T12:11:00.000-07:00

miss the child inside me

كان نفسى اقدر احافظ على الطفلة جوايا

كان نفسى ماكبرش اوى كدة جوايا

كان نفسى افضل انا زى مانا

زى ماكنت عجبانى

ناس و ناس

2010-05-26T11:30:00.000-07:00

فى ناس زى سحابة الصيف.....خفيفه,مريحة,لذيذة,منعشة

و ناس زى سحابة الرز السودا , لا منها بتوريك ضى الشمس و لا منها بتنزل مطر

اهى بتخنق عليك و خلاص

بدون عنوان

2010-05-12T21:17:00.001-07:00

الكلام دة كان بتاريخ 6-12-2008
مش فاكرة الظروف اللى خلتنى اكتبة بس على الاقل متأكدة انى انااللى كاتباة....انا عندى رغبة ملحة من جوايا انى اكتب بس مش عارفة اكتب اية دورت فى الدرافتس لقيتة جة بعض الشيئ على وتر فاخترتة من وسط كل الدرفاتس اللى كنت بكتبها و مانشرهاش -

محتاج احس انك عايزانى.

-انا بئة محتاج احس ان انا عايزة نفسى.
مش هقدر احسسك انى عايزاك و انا نفسى مش عايزة نفسى .. انت عايز فى اية ؟؟ تعرف ساعات بحس انى مت من غير ماحد يدينى خبر و انا فاكرة نفسى عايشة.

-يا حلاوة الدنيا يا حلاوة يا حلولو يا حلاووووة ..هكذا كانت تغنى و هى ترفع الكاس فى الهواء ,ظلت ترفع صوتها بغنائها الركيك وهى تأرجح الكاس فى الهواء يمينا و يسارا كما لو كانت ترقص معه
-انتى مالك فى اية؟
-هههههه انا زى الفل..لية مالى؟؟
-انى مش شايفة نفسك
-لآ اصل مش باصى فى المراية
-ماتفوقى بئة
-افوق ولا اتحت
ارتشفت اخر ما تبقى و ملئت الكاس من جديد
-انتى بتشربى اية؟
-سم ..ههههههههههه..ماتخافيش دة سم مش بيموت ..دة بس بيحرق و هو نازل ..اهو بدل مانتى محروقة نفسيا تتحرقى عضويا شوية عشان اعمل تعادل ههههههههههه
بدءت الغناء من جديد وصوتها يعلو للحظات ثم يبدء فى الهبوط مع نذير سيل دموع مختنقة بداخل مقلتيها ..الا انها ترفض ان تظهر ذلك الضعف فتاخذ رشف وتبدء فىالغناء من جديد,,انتبهت الى تلك الرمقة
-اية ..فى اية..متخافيش دى مش حاجة اصفرة ..دى حاجة اسودة و اطلقت ضحكة سخرية من نفسها و من محدثتها و من الظروف ..ثم توقفت فجأة و قذفت الكاس علىالحائط المقابل فتانثرت شظايا الزجاج فى ارجاء المكان ..سكتت لوهلة ثم ابتسمت بهدوء و بدءت فى ضحكه هستيرية و هى تسفق بحرارة
-جامدة .زجامدة و الله انا جامدة..لا تحفة ..شفتى الكاس و هو بينفجر.زكان جااااااامد
-انتى فى ايييييييييييييييييييية
-فى بىو سى و دى و كل حروف الابجدية
-ماتتكلمى
-اتكلم لية و اقول اية انا حاطة الجزمة فى بؤى و ساكتة..بمناسبة الجزم عايزة انزل اشترى جزمة صفرا و خضرا ..تفتكرى اجيبهم منين؟
- ممكن تعقلى و تتكلمى جد زى مابكلمك
-لآ
ذهبت لتجلب كاسا اخر و تبدء فى الشرب من جديد و هى تغنى يا طير يا طاير على اطراف الدنى ..تعالى خدنى فى رجلك و ارمينى فى اى طرف اوعدينى
-بذمتك مش على نفس الوزن..بالمناسبة انا وزنى زاد شوى صح؟؟
لم تلق رد ..

معرفتى لا تعنى ادراكى

2008-11-07T08:34:00.000-08:00

هناك اختلاف بين المعرفة و الادراك .. فمعرفتى للموت لا تعنى باى شكل من الاشكال ادركى لة...لذلك احيانا حين ندرك الاشياء التى نعرفها .. نعرف و ندرك و نشعر كم نحن مذنبين

فلتذهب كل السخافات للجحيم

2008-10-28T06:36:00.000-07:00

امر بنوبة اكتئاب عالية الجرعة .. ربما هى اعلى مستوى اكتئاب اعتليتة فى حياتى كلها .. اصبحت كل الالوان باهتة سخيفة لا روح فيها .. لما يعد للحياة معنى .. لا اشعر بمعنى (انا) شخصيا .. لا اهتم اذا كان كلامى قد يجرح احدهم ام لا فانا على استعداد للقتل لا مجرد الجرح.. قتل و انهاء سخافات تعبث براسى الفارغ ..لم تعد تراودنى احلام تذكر فى نومى ..فرأسى لا يوجد بة سوى ضباب ثقيل مخيف..و انا لم اعد انام اصلا .. فقط اكون فى حالة بين النوم و اليقظة و هذا هو وقت فيلم الرعب اليومى الذى قد يدوم ساعات او دقائق لا استطيع حسابها بدقة لانة الوقت الذى يستطيع فية العالم المعاكس لعالم الانس ان يتواصل معى و يجعلنى اضحكوتة و يتحكم بى كدمى صغيرة .. سأمت هذا اللعب فقيل عليك المحاربة و هانا الى الان احارب بقوى خائرة ..لا اعلم ماذا حل بى.................

مصيبتى الان لا تكمن فى انا .. فانا و منذ زمن تنازلت عن فكرة الخوف على الذات ..لا اهتم بما يحل بى حتى قيل انى مغامرة و بلا قلب و متهورة .. لاتهم كل تلك المسميات ... فتلك حياتى انا و انا المسؤلة الاولى و الاخيرة عنها.. ولكن الان ........لا اعلم هل هو للاسف ام من دواعى سرورى ان احمل فى احشائى جنين لم يكمل الشهر الثالث بعد ..هل من المفترض ان افرح و ارقص انى فى الطريق الى الامومة وانا خائرة القوى لا اقوى حتى على التنفس و افتقد شهيتى للحياة كلها ..بكل ملاذاتها ..بكل شيئ احببته فى الماضى ..لم يعد الان هناك ما يجعلنى افرح .. حالة من الحزن و الاكتئاب لم اعهدها فى~ ... ام من المفترض ان اتاسف على تلك النعمة التى لا اشعر انى استحقها ..اشعر بالشفقة تجاه هذا الوليد .. اشعر بالشفقة لانى والدتة.....................

ااااااااااااااة من كل تلك السخافات التى لا تجعل للحياة لون ... فتذهب كلها للجحيم ...ولكن ..............ان ذهبت ماذا سيبقى على الارض؟؟

اين هى السعادة المفقودة؟؟

2008-09-28T01:09:00.001-07:00

زواج فحمل فعمل ..كل شيئ مر سريعا ..لم اشعر بة الا بعد انتهاء مراسمة .. يوم الثلاثاء موعد عقد القران ..بسرعة اسرع من الفيمتو ثانية مر كل شيء حتى انى بالكاد اتذكر ملامح هذا اليوم او ملامحى انا شخصيا او على الاقل احساسى وقتها.. بعد مرور اسبوع على الزواج استلم عملى الجديد ..لاول مرة فى حياتى اصبح امراة عاملة ..كم تمنيت تلك الللحظة انا اصبح يوما شخصا ذا فائدة ,شخصا لة هدف ..اعمل كى ااشعر بمعنى الحياة ..كى اشعر بقيمتى ..بعد شهر من العمل قدمت استقالتى بسبب صعوبة الواصلة فى وجود روح اخرى تسكن داخل احشائى (هكذا تعللت و تحججت لترك العمل)..تداعبنى فى الاحلام بين فترة و االاخرى ..و حتى الان و رغم كل الالالم التى اشعر بها و حالة الدوار و الغثيان المزمنة و اثار ابرة التحاليل فى ذراعى الا انى لم استوعب بعد انى حامل .. نجحت فى عملى و بتفوق و فى اقل من شهر اثبت جدارتى و شاد بى مديرى الكورى و عندما علم باستقالاتى لم يوافق عليها فى بادئ الامرو لكن الوضع خارج عن ارداتى و مع ذلك و رغم كل تلك الاحداث و التى من المفترض انها سعيدة الا انى لم اشعر و لو بمقدار شكة دبوس من السعادة

ضايقنى حينما اجبتها انى اريد تسمية وليدى البراء..دة واد و لا بت .. دة ولد ..البراء بن عازب..سمى اسم كدة تحسى انى راجل

ضايقنى حينما اجبتة انة اريد تسميتها لو انثى ايمان فاخبرنى انى اسم فلاحى اوى ..دة اسم اختى اللى تكريم ليها و لوافتها دة اقل حاجة ممكن اقدمها

tst

2008-09-11T02:49:00.000-07:00

لتجربة ان الكيبورد مازالت تشعر برقصات اناملى فوقها على نغمة صدى السكون
رمضان كريم

خدى اللى بيحبك و ماتخديش اللى بتحبية

2008-08-04T14:33:00.000-07:00

اتفقنا على التقابل عصر اليوم فى احد المقاهى المطلة على البحر فلكم تعشقة و تتمنى لو انه اختطفها بداخلة و غلفها بمياهه السحرية كقطعة شيكولا ثمينة محكمة التغليف بافخم انواع الاوراق الفضية الرقراقة و يا حبذا لو تسلل بداخل جسدها و اخترق جلدها و عظامها و كل خلية فيها من اكبرها لادقها و راح يغمرها و يغلفها و يغسلها ليطهرها من سواد الدنيا و غيومها..

ارتدت افضل ما عندها و تزينت كانما عروس تتجهز لتقدم قربانا للبحر دليل لوفائها له .. كم تمنت ان تكون عروس بحر تسبح ليل نهار بلا كلل ولا ملل ..تجوب البحار هنا و هناك ..ترى النور الشمس من تحت سطح البحر لكم هو متئلق ذلك الشعاع الشمس البحرى ..لهو افضل مئات المرات من ذلك الشعاع الشمس الارضى ..

وصلت لمكانها فى موعدها لتجد صديقتها قد سبقتها هناك.. تعلقت عينى صديقتها بها منذ دخولها من بوابة المقهى حتى وصلت لطاولتها...

-بسم الله ما شاء الله
-اية مالك؟
-عروسة يا اخواتى !!
-احم احم ..اخجلتم تواضعنا
-لآ بجد ..بسم الله ما شاء الله باين انك عروسة بجد ..بس عروسة رايقة.. العرايس فى وقت زى بتاع ساعتك كدة يبكونوا مش شايفين قدامهم من الارهاق و التعب بتاع التجهيز و الفرش و انتى كأن و لا على بالك
-ههههههه ..لا يابنتى المسالة انى نازلة اقابلك و اكيد لازم البس اللى ع الحبل هو انا عندى اعز منك.. هم مش بيقولوا ان لبسك و انت رايحة تقابلى حد بيدل على مدى اهتمامك بالحد دة :))
-المهم انتى اية اخبارك و اخبار عريسك و الشقة و العفش و كل دة
-الحمدلله ..دوامة ..عارفة اسوء حاجة فى الجواز الفترة دى ..انا ماصدقت اصلا سرقت الشوية دول عشان اقابلك ..عايزة اطلع من الدوامة دى شوية و اتنفس
-ماشيى يا سيدى ..قوليلى بئة حبتية و لا ... ؟
- اشمعنى يعنى ..مش هاتجوزوا يبقى لية السؤال
-يعنى بما انه كان جواز صالونات و مش شايفاكى متحمسة اوى وانتى بتتكلمى ع الجهاز و الشقة .....
-بصى مش المثل بيقول خدى اللى بيحبك و ماتخديش اللى بتحبية .. و بما ان اصلا مكانش فيه (اللى بتحبية) يبقى اية المانع ؟؟

البوست مستوحى من المثل المذكور .. و من واحدةاعرفها اتجوزت اقتناع كلى بالمثل دة على الرغم من انها مكانتش مرتاحة معاه.. احيانا بيكون المثل دة صحيح و احيانا لآ ..لان الناس مش زى بعضها .. مش عارفة !!!

رب مسني الضر و انت ارحم الراحمين

2008-08-04T02:14:00.000-07:00

رب مسني الضر و انت ارحم الراحمين

انا و النمل و التاريخ (2)

2008-07-29T21:37:00.000-07:00

فاكرين الجزء الاول و التانى من الحكاية؟؟ لما النمل اكل الشيكولاتة بتاعتى و لما عمل مستعمرات فى السويت شيرت بتاعى ؟؟
طيب لو مش فاكرين نعمل فلاش باك سريع هنا و هنا

باقى الحلقة (3)

و للة الحمد لم يتم العثور على ركبة نملاية واحدة فى التيشرت الاخضر بعد العودة من السفر هعهعهعهعهعهع ,و بهذا يتضح مفعول الديتول الذى خضع التيشرت للغسيل بواسطتة كما تتذكرون , و الجدير بالذكر انة خلال فترة السفر تم نقل الضحية الى احد الاقارب لمراقبتة و استخدامة عند الحاجة, و بهذا كان النصر حليفنا على هذا الغزو الغريب الملامح
يااااااااااااااااااااااااااااااااااااهوووووووووووووووووووووووو................

ولكن!!!!!!!!!!!!!!!!!!!!!!!

لا تستعجل عزيزى القارئ فلم يتم القضاء علية نهائيا و اليكم اخر التفاصيل:

بعد العودة من الاراضى المقدسة للديار الحبيبة اتصدمت اول لما دخلت البيت لقيت النمل مبرتع و واخد رحتة على الاخر فى كل مكان فيكى يا شقة و الاغرب اماكن التجمع بتاعتهم كانت فى زجاج المياة , الفلتر بتاع المية , عند الحوض....كأنهم صاروا ابطال للسباحة و طبعا تم القيام بعمليات ابادة سريعة و شديدة , بس النمل كان رخم حبتين و بيقاوم المبيددة بئة نمل اخر زمن, ياريتة كان نمل عادى ....دة الواضح انة نشئ و تربى و تترعع فى البيت عشان كان بجناحاتيعنى احنا نسيب البييت شهر بعد ما طلعت عنينا قبل ما نمشى و خلينا زى القشطة و اسالوا ابلة النظيفة و فى الاخر اجى الاقى النمل احتل المكان؟؟؟؟؟صحيح مافيش امان اليومين دول

المهم ان الحمدلله البيت رجع زى الاول تانى و كلة تمام بس الغريبة ان امبارح و انا قاعدة على الارض فى الاوضة-اصل انا مش من هواة الاماكن المرتفعة- لقيت حاجة غريبة كل شوية الاقى نمل بجناحات بيتمشى فى على السجادة-متقولوش ان السجادة عليها سكر- و لما طلعت برة الاوضة لقيت كمية نمل غريبة ميتة على البلاط بين ...كنستها و نظفت المكان و رتبت الاوضة جيت النهاردة الصبح لقيت بردوا نمل تانى ميت فى نفس المكان اللى كنستة امبارح و على طول الطرقة.........طب بيجى منييييييييييييييييييييين نفسى افهم!!!!!!!!!!!!!!!!! و بعدين هو مش احنا فى الشتا بردوا؟؟؟ و حسب معلوماتى

الارشيفية انهم بيعملوا بيات شتوى...و لا هم غيروا معاد البيات بتاعهم و انا ماعرفش

واليكم بعض صور المتهمين اثناء الاحتماء بوكرهم:

صور المتهمين بعض القضاء عليهم فردا فردا هعهعهعهعهعهع

الحلقة الرابعة :

بلوج سريع جدا عن اخر اخبار الغزو.............امبارح كانت حفلة غسل الكوتشيهات و طبعا كنت انا المتبرع بالقيام باعملية دى المهم بعد لما طلعت عينى فى 5 كوتشيهات و حطتهم فى البلكون عشان ينشفوا جيت اطلعهم النهاردة و كانت الصدمة الكبرى

وقع اختيار النمل على الكوتشى بتاعى لانشاء مستعمراتهم ...حسيت فى ماسورة نمل طفحت فى الكوتشى ...شكلة كلن بشع بجد...اشمعنى الكوتشى بتاعى انا ؟؟؟!!!!!!!!!!! و اشمعنى حاجتى انا اللى دايما هو بيختارها؟؟؟هو انا عشان سكر حبتين النمل هايص!!!!!!!!!!...شكلهم بيفكرنىبحاجتين اما بعود كبريت اما بفريزر الاتنين هايخلوهم ينكمشوا على نفسهم

بعد ماقريتوا ..انا راضية ذمتكم..بس ماتكونش زى ذمم اليويمن دول..تفتكروا من حقى يكون للى دوافع ومبررات للانتقام و لا المسامح كريم ووراء كل سوك سلبى نية ايجابية ؟؟:))

تمت بحمد الله ..انتهت القصة و لكن لن تنتهى افعيل النمل معى و لن ينتهى انتقامى من كل كلمة تجمع ال ن و ال م و ال ل :))

موجز اهم الاخبار

2008-07-29T09:50:00.000-07:00

تم امس الاول بعد ال 12 ظهرا اصدار قرار من المجلس العالى للبيت بضرورة عقد قرانى فى اليوم ذاتة و ذلك نظرا لصدور و البدء فى تطبيق القانون التعسفى (قانون الزواج الجديد) الذى ينص على عدم السماح للزواج لمن هم دون ال 18 .. و ضرورة اجراء كلا الطرفين تحاليل -يقال انها تحاليل جينات) و من المتوقع ان تكون باهظة الثمن (يجيكوا و يحط عليكوا يا بعده) ..

ولان امس الاول كان (اخر يوم فى زمن الرخص و السبهللة) فقد تم عقد القران الساعة ال11 و النصف مساء فى دار المجلس الاعلى (بيتنا يعنى) و كان الحفل فى اضيق الحدود .. حضر الحفل نخبة من اقرب اقرب الاقارب و بسسسسسسس... و نظرا لرفض المجلس ااعلى قامة فرح -حفلة زفاف (عشان الدوشة والتهييس و اللاذى منه اللى بيحصل) فقد تقرر اقامة حفل للاصدقاءو الاقارب فى نفس دار عقد القران على الا تصدر اصوات اغانى نهائيا و ذلك عقب الاشهار فى المسجد ان شالله و الذى لم يحدد موعده حتى الان.. وبذلك اصبحت و بعد 7 اشهر من الخطبة متزوجة رسميا ..و بالله التوفيق

اما عن الحياة العملية فلقد تم اخضاعى اليوم الموافق 29 من الشهر الحالى فى تمام الساعة ال 10 صباحا الاجراء مقابلة شخصية مع مدير كورى لاحدى الشركات الفرنسية و التى تحتوى على جنسيات عديدة (من كل لون يا بطستتا) و فى اثناء المقابلة ابليت بلاء حسنا من وجهة نظرى و لكن فى اثناء الاختبار على الحاسب -ماكنش حسنا دة كان بلاء- حيث طلب منى المدير نسخة من احد جداول الحسابات للقيام بها على الحاسب ولانى من اشد المعجبين ببرنامج الاكسل فكان موقف زى العسل الصراحة و فى نهاية الاختبار شكرنى المدير و قالى فوتى علينا بكرة :)) لآ قصدى هم هايرودوا على على يوم 22 من الشهر القادم و لما مدير الشركة يرجع من الهولى داى ... و الله معى

قرات عليكم النشرة ابنة الرئيس الاعلى للمجلس الموقر
سو - خلف شاشة الجهاز - حجرتى الخاصة

يلا عايزة اسمع الزغاريد و الدعاء بالتوفيق :))

قد نكون البعض او ضحاياهم

2008-07-22T18:40:00.000-07:00

حوار(1) :

-انتى يا بت يا مكتئبة .. مافيش حاجة تستاهل .. روقى كدة .. اجبلك سندويتش مؤمن الجديد
-لآ
-سنيكرس, جلاكسى
-لآ
-سبورت كولا
-لآ
-انتى !!! انتى اللى بتقولى لآ على الحاجات دى و بتقولى لآ للسبورت !!!!!!
-انا بقول لآ للحياة كلها

حوار (2):

-انتى لية لابسة اسود؟
-لو كنت لقيت لون اغمق كنت لبسته.

خاتمة:

البعض يخطو خطوة واحدة غير محسوبة بدقة ولا اكيدة النتائج فى سبيل اسعادك... و 10 خطوات محسوبة بدقة فى سبيل تعاستك ..و فى بعض الاحيان نكون نحن هؤلاء البعض و فى احيان اخرى نكون ضحايا البعض.

ادعولها بالرحمة

2008-07-20T17:32:00.000-07:00

هبه .. أخت شيماء الصغيرة

انا ماعرفش شيماء و لا اعرف هبة بس حسيت انى عايزة اعمل حاجة تتردلى يوم مااحتاجها

أدعو لها بالرحمة

ولدت 12 -12 -1984

و توفيت 17 - 07 - 2008

التاريخ مش زى ما الكتاب بيقول

2008-07-17T15:57:00.000-07:00

فاكرين لما اتكلمت عن براءة سليمان الحلبى من مقتل كليبر و عن صاحب الاثبات دة دكتور عماد هلال ؟؟
يوم لما كتبت البوست حاولت اجيب اى مقال لدكتور عماد او حتى صورة لية من على النت بس للاسف مالئتش غيرمقال واحد بس اللى انا حاطاه فى البوست و النهاردة لقيت المقال دة بقلم احمد الهوراى (اعتقد انه من افراد تيت راديو) و بجد شكرا كتير يااحمد على المقال دة ..تسلم ايدك..فرحت كتير انى لقيتة .. واخيرا حد اتكلم و قال الحق و اخيرا حسيت ان الحقيقة هتبدء تطلع للنور بجد حتى لو الوزارة ماديتهاش الاهتمام اللازم و غيرت الاخطاء احنا نقدر ع النت ننشر الصح

التاريخ مش زى ما الكتاب بيقول

اشياء كتبت لاسباب مجهولة

2008-07-17T14:39:00.000-07:00

و لما كان ..

هذا المكان..
اضيق مما كان..
كنت انا ..
فى قرارة الانا ..
بداخلى بركان..

ولما اصبح..
هذا المطرح..
يجمع لا يطرح..
صرت انا ..
فى ظاهر و قرارة الانا..
بداخلى (.......)

دى بتاعة لقيتها مكتوبة فى ورقة فى الدرج.. المفروض انى انا للى كاتباها ..لكن انا مش فاكرة لية انا كتبتها و اية معنى الكلام دة اصلا و النقط اللى بين قوسين دى كلمة انا مش عارفة اقراها ولا فاكراها ..تقريبا هى شكلها يدى على ارواح او الام او احلام تصرخ او بداخلى الالام تطرح ..مش عارفة انى واحدة فيهم .. انا حتى مش فاهمه معناه :O

احلام نائمة ,متوسدة الغد المشرق..
ترى فى ليلها الغابات السوداء..
المليئة بالساحرات ذوات الانف المدبب و الشعر الرمادى الطويلان و الصوت المتدهدج الشرير..
الوطاويط سكنت الاشجار ,قدميها للسماء و رؤسها للارض اذعانا منها بقلب الاشياء بامر الساحرات..
وهناك رقدت مشقاتهن فى انتظار وقت الاقلاع لمتابعة اعمال الوطاويط..
ومع ذلك لازالت تتوسد الغد المشرق..

دى بئة كانت مكتوبة فى ضهرالورقة اللى كان مكتوب فيها البتاعة اللى فوق دى .. و نفس الحال مش فاكرة اى مناسبة ليها

انا و النمل و التاريخ

2008-07-15T20:10:00.000-07:00

زى ماوعدتكم انى هحكيلكم عن الماضى الاليم بتاعى مع النمل و تاريخى معاهم اللى ابتدى السنه اللى فاتت مع حتة سويت شيرت لا راح و لا جه .. الحلقات دى كنت ناشرها فى اول سبيس عملتة فى حياتى ..المهم نخش ف الموضوع

الحلقة الاولى

اهلا و مرحبا بكم فى حلقة جديدة من برنامجم الغير اسبوعى صباح الخير يا جريمة

Clap Clap Clap Clap Clap Clap (تسئيفة يعنى)

شكرا , شكرا , شكرا

نخش فى الموضوع........النهاردة كان اول يوم و الطبيعى ان واحدة زى تنزل 2 او 3 اسبوع بس جيت على نفسى و قلت انزل بما انى كده كده رايحة مشوار قريب من الجامعة قلت اعدى اطمن على القبائل هناك و اشوف اية اخر التطورات...

صحيت الصبح ( قصدى كنت صاحية من امبارح يعنى ) و حضرت اللبس عشان البس و المفاجأة الكبرى السويت شرت كلة نمل و ماحدش يسالنى جة منين !!!!! و ماتقوليس (سويت) شيرت يعنى شيرت مسكر( مش طالبة ظرف) .....الشيرت دة حكايتة حكاية هقولكم عليها :

الشيرت دة جبتة فى اخر الاجازة و ماتلبسش و لا مرة بسبب النمل , كل مرة اجى البسة الاقى علية نمل غسلتة 3 مرات و احطة فى الدولاب و اجى البسة الاقى نفس الحوار و الغريب انة الوحيد اللى علية نمل و مافيش نمل فى الدولاب اصلا على اى حاجة تانى , و ياريت علية نملة و لا اتنين دة هجوووووووووووووم نمل بشكل غريب مش عارف هو مكتوب على بالحبر السرى منتجع النمل الصحى يرحب بكم و لا اية ؟

المهم انى جهزت كل حاجة تقريبا و طلعت الشيرت لقيت نفس الحوار قلت على و على اعدائى هلبسة يعنى هلبسة و كويتة (انتقام الجبابرة) و لبستة و نزلت....

الحلقة التانية:

تلقى مراسلنا ببرنامج صباح الخير يا جريمة اخر تطورات الغزو النملى للشيرت الاخضر فى الدولاب الشرقى و قال:

تم اخضاع الشيرت لعملية غسيل باستخدام مسحوق تايد بالليمون(تايد للغسييييييييييييييل مافيش مستحييييييييييييييييييييييييل) و تمت المهمة بنجاح و لم يتم العثور على اى فرد من افراد الجيش النملى ( و ذلك حسب ما اعتقد -الالف مضمومة و الفيرب مبنى للمجهول ) و تم نقل الضحية الى الدولاب الشرقى بدلا من المكان السابق فى الدولاب الوسطىا(العربى بتاعى حكاية) و بعد ايام تم اكتشاف اسراب من الغزاة مرة اخرى و تحير المجلس القومى و المحلى و البتجانى الابيض و الاسود و تم عقد اجتماع طارق (حلوة طارق صح؟) و بعد المباحثات و المداولات و نشجب و ندين و نستنكر تم اتخاذ القرار بوضع الضحية فى الديتول لمدة طويلة و بعدها تعرضت الضحية لعملية غسيل مرة اخرى و فى انتظار ماذا بعد الحدث
كان معكم : كوفى ميكس صباح الخير يا جريمة المنطقة الشرقية

شكرا لمراسلنا من المنطقة الشرقية و نتمنى انتهاء هذا الطيار من الغزو النملى الغريب , و بهذا نختتم موجزنا لاخر الاخبار , دمتم سالمين

الحلقة الثالثة

اهلا و مرحبا بكم اعزائى فى حلقة جديدة من برنامجكم الغير منتظم صباح الخير يا جريمة
نبدء بالنشرة الاولى و الاخيرة عن الغزو النملى المتوحش , افادت مصادرنا انة...........................

فى بوست جديد بئى و عليكم خير هههههههههههه
to be ttkamle in sha2 alah

دبس يدبس تدبيسة

2008-07-14T09:25:00.000-07:00

الدايرة دايرة و كلنا لازم ندوق من نفس الكاس ..قصدى لازم نحل نفس الواجب اييييييييييييييييه دنيااااااااا
واجب تدبيسة من بلدياتى انا حر

يلا نبدء بسم الله و الصلاة و السلام على رسول الله ... الله المستعان ... الواجب دة دارعلى تلت تربع سكان المدونات للذلك و من وجهة نظرى ان مش لازم اعد ارغى و اقول قوانينة و مش عارف اية ..لكن..وحطوا تحت لكن خط بالاسود وخط بالابيض و خط بالاحمر ..بصفتى مواطنة مصرية و مصر يعنى الشرف,يعنى الامانة ,يعنى النسر اللى هرب م العلم ,يعنى دقى يا مزيكا ... كل دة يحتم على انى ارغى و اوجع دماغ اللى قدامى ..اصل يعنى اية مصرى ..يعنى لسان طلعلة بنى ادم ..مش كدة و لا اية ...

ندخل ف الموضوع ..نقطة و من اول السطر...

قوانين الواجب:
1. أذكر اسم من طلب منك حل هذا الواجب... انظر السطر الاول
2. أذكر القوانين المتعلقة بهذا الواجب .. مانت بتقراها اهو
3. تحدث عن ستة أسرار قد لا يكتشفها من يقابلك للمرة الأولى.. واذا اكتشفها ااعمل اية
4. حول هذا الواجب إلى ستة مدونين،وأذكر أسماءهم مع روابط مدوناتهم في موضوعك... ورقم البطاقة ان امكن و الراعى الرسمى لهذا الواجب هو سبورت كووووووولا ..حيوية الشباب ;)
5. اترك تعليق في مدونة من حولت الواجب عليهم، ليعلموا عن هذا الواجب...,وضاح انى هالف كعب داير ع الناس و اقول ..ياولاد الحلال انا دبستكم فى واجب لازم تحلوة ..واجب قليل يمنع حاجات كتير :))

نيجى للسؤال 3 ..ان ان ان تشششششششششش ..طبعا الفضول بيكالكم ...طيب طيب هقول اهو..

1- انى مش مغرورة و انى مش واخدة مقلب فى نفسى و لا ببص للناس من طرف النضارة (عكس الكلام دة اى حد لاول مرة بياخدوا عنى ..مع انى نسمة نسمة نسمة )

2-انى صاحبة اقوى شعارات كدابة ..يعنى ادعم الناس ويوم مايحصلى حاجة بكون ورقة ف مهب الريح :))

3-انى نفسى و امنية حياتى انى استقل نفسيا و ماديا و اكون مستقبلى و نفسى بنفسى من غير الحق يا بابا و لا الحقينى يا مامتى... (بيقولولى انتى دماغك دماغ ولد مش بنت)

4-انى مدرسة تاريخ (دى بئة لازم اقولها عشان اللى قدامى يعرفها لسببين اولهم انى 0 فى التاريخ زى ما كولا عملت كولا زيرو بنفس طعم الكولا العادى ..فكلية تربية خرجت مدرسة تاريخ زيرو بنفس مواصفات المدرسة العادية :))

5- انى بسرح م الكلام لو الكلام مش جاى على هوايا او مودى مش مظبط او مش طالبة اللى قدامى

6- مودى (يعنى مزاجى مش قصدى حاجة يا سوسا ;) )عامل ازاى فى اللحظة دى...(الحمدلله بعرف اضحك فى وش الناس اللى مايعرفونيش و طبعا طبعا اللى يعرفونى عارفين انى النكد بيجرى فى شريانى :)) )

بـــــــــــــــــــــح xxxx انتهى تمت بحمد الله

الجزء بئى اللى قبل الاخير ....
1- مؤنس فرحان اللى بقى مختفى زعلان :))
2-سوسا و مودى ربنا يكرمها يارب ويهديلها اللى فى بالى
3-سمر ..الليل و القمر والورقة و القلم و هى اعدة لوحدها تفكر
4- انجى اوجى اللى مستعجلة و عايزانا نجيب م الاخر
5-عبدالله و الشهرة اسلام صاحب اقوى قهوة و اقوى شعار ..قهوة نام يا مصرى
6-سوسو الباحثة عن السعادة يارب تلقيها

يلا فوتشكم بعافية عشان اروح اكمل باقى الواجب ..

شيكولاتة الكونزى للنمل

2008-07-08T20:34:00.000-07:00

على الرغم من قرب موعد الزفاف و الشروع فى بدء التجهيزات وتوضيب الشقة الا انى مش زى اى عروسة ننوسة :)) .. البنات الطبيعية فى الوقت دة بتكون بجناحات طايرة بيهم و عمالة تحلم فى عش الزوجية هيبقى مدهون من برة تركواز ف اصفر و من جوا ناحية اسبونج و التانية ورق حائط و الابليكات هتكون شموع لزوم الرومانسية و النجف هيبقى نجوم السما .. اما انا ف غيـــــــــــــر .. على راى احمد (انتى بتعشقى النكد زى عنيكى) ..بس والله هو مش مسالة عشق للنكد على اد ماهى مسالة فقدان شهية للحياة ..

فلكم اعزائى القراء انت تتوقعوا نشرة الاحوال النفسية .. حيث تسود غمامة كابة فى اغوار اغوار نفسيتى و بعض قطرات الدموع اللى بتسح من وقت للاخر مع توقع حدوث انفجار عقب ظهور بعض الاعراض المصاحبة لة مثل التصادم الصغنن اللى حصل بينى و بين اختى -و بينى و بين ماما -و بينى و بين احمد -وستر ربنا كان على وشك الحصول ينى و بين بابا (كل دة فى يوم واحد فى اقل من ساعتين :)) ..جبروووت)... و دة مش توتر منى او قلق دة اسمه حالة نفسية زفت على عصبية على خنقة من الحياة .. و تقريبا دة حاليا الوضع الديفولت بتاعى.

المهم انى قررت انى اصالحنى عشان ماتحولش لدمونتورة عسولة بتخلق النكد من تحت طائطيئ الارض و صعبان عليها تفرح اللى حواليها ..و نظرا لخبرتى معايا و على حسب الدراسة اللى قريتها ان افضل حاجة عشان البنت تعدل مودها هى الشيكولاتة.. و بالنسبة لى افضل نوع هو الدراك شوكلت ..حيث سووووووووووواد الشيكولاتة ياسرنى .. و مرارة الطعم تسحرنى ..و المذاق يسرقنى الى عالم خاص بى انا و بسسسسسسسس.

واخيرا قررت انى اطلع الشيكوته ال Lindet الدارك اللى كانت بنت عمى جايبهالى مخصوص معاها هدية من لندن عشان هى عارفة اد اية انا بعشق الدراك شوكلت .. الشيكولاتة دى بقالها عندى بتاع 6 شهور ...سايلاها لوقت العوزة لانى عارفة انى هاحتاجها اكيد فى يوم من الايام و لانى مش من السهل انى اجيبها تانى فوقت شايلاها للشديد القوى ... و اهو جه وقتها...

قمت من ع السرير و روحت فتحت الدرج بالراحة و بصيت على العلبة و هى نايمة جوة الدرج و قلت لها تعالى يا حبيبتى ..مسكتها بالراحة و رجعت ع السرير عشان استمتع بلحظة مش بتتكرر كتير ..لحظة فتح الشيكولاتة و انى اخد اول قطمة و احس بيها بتدوب فى بوؤى و تمل بئليل تملى دماغى و تمسح اى تعويذة شريرة ..يااااااااااة ع اللحظة دى ..فتحت العلبة بالراحة وووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووو

عااااااااااااااااااااااااااااااااااااااااااااااااااااااااااااااااااااااا

جيش نمللللللللللللللللللللللللللل ....عاااااااااااااااااااااااااااااااااااا...لالالالالالالالالالالالالالا الا الليندت..الا الارك ياولاد البجز ..مش لاقين الا دى ..عاااااااااااااااااااااااااااااا.. مالبت ماليان شيكولاتة اشمعنى دى .. عااااااااااااااااااااااااااااا.. اشمعنى انا ...عاااااااااااااااااااااااااا...وضاع الحلم يا ولدى ..اهئ اهئ اهئ اهئ ... حتى النمل بئى ديموترات صغننه ..عااااااااااااااااااااااااااااااااااااااااااااا

جريت علىالمطبخ و انا كل غيظ و عازمة اشد العزم على الانتقام ..لاجعل الليلة ليلة لن تنسى يا معشر النمل ..لاجعل اللليلة هى ليلة مذبحة النملة .. وورينى هتعملوا اية ...هعهعهعهعهعهع .. وبدون تفكير حطيت العلبة فى الفريزر ...ايون ..خليهم يتكرمشوا اكتر ماهو متكرمشين ..خليهم يتعذبوا عشان ياكلوا الشيكولاتة بتاعتى ..بس كدة ..سيبكم من انها ليندت النوع المفضل لى و اللى بجيبة فى المناسبات اللى بتحصل كل 10 سنين مرة ..وسيبكم من انها هدية و مخصوصة و من لندن .. وسيبكم ان العلبة فيها 4 واحدات بس...لآ دى دااااااااااااارك و كنت شايلها لوقت زنقة .

وبعد فعلتى الانتقامية رحت و بكل هدوء و قعدت على الحاسوب وشغلت منير (قبل ماتحلم فوووووووووووق احلم و انت فايق...اهئ اهئ ..قبل ماتطلع فوووووووق انزل للحقايق ) الله عليكى يا منير ..جامد ..عندك حق ..قبل ما احلم بالشيكولاتة كان لازم اتوقع انى هلاقى حاجة تضايقنى ..قبل ما اطلع باحلمى لفوق كان لازم ارجع لحيقة ان احنا فى الصيف و دو موسم تجميع الاكل عند النمل عشان يلحقوا يجمعوا ليهم و للجراد زى ما كرتون حياة حشرة بيقول ..عاااااااااااا..

شوية و بعدين قمت اشوف نتيجة التعذيب وصلت لاية.. طلعت العلبة م الفريزر و نزلت منها بودرة نمل ..فتحت اول واحدة لقيت نصها متاكل ..نصها يا مفتريين .. كلتوا نص واحدة ليييييييييييية ...البلد مافيهاش حد غيرى .. خلاص السكر خلص م السوق .. عاااااااااااااااااااااااااااااااااااااا

فتحت التانية لقيت اكتر م النص شوى دة غير انها محشية نمل...لالالالالالالالالا..كتير اوى كدة على ..افتكرت ان مرة سمعت انهم اكتشفوا علاج لمرض مش عارفة اية اسمة ركاب النمل ..قلت يمكن ركاب النمل دى اللى هى ركب النمل ..بس هى النمله ليها ركبة ؟؟.. اكيد و لية لآ ..ربنا قادر على كل شيئ ..طيب انا اجرب الشيكولاتة الدراك بركاب النمل ..جايز يكون فيها الشفى :)) .. و اكلت التانية بس بعد مانزلت بودر النمل منها على قدر الامكان ..مش معقول هاستسلم و هارمى الشيكولاتة عشان خاطر شوية نمل مش لاقين اللى يحكمهم .. هم الظاهر نسيوا هم عملوا فى اية السنة اللى فاتت ..نسيوا حكاية السويت شيرت (هبئى احيكلوا عنوا فى بوست تانى ان شالله) ..بس على مين انا قلبى اسووووووود من الدراك شوكلت و مانسيتش ..

وانا فى ظل التفكير فى ذكريات الماضى بتاعى مع النمل لقيت قال اية ..فى واحدة من النمل اللى كانت متكرمشة من شوية شدت حيلها و هتقوم ..ابص تانى الاقى اتنين ..شوى بدئوا كلهم يقوموا ..ياولاد اللذين انتوا اتكرمشتوا م البرد و لما طلعتوا م الفريزي ادفيتو و قمتوا ..ربنا نتعكم بالسلامة ..يا حبايب قلبى ..اسم الله عليكى يا حلوة انتى و هى ...

طول عمرى اعرف ان القطة بسبع ارواح ... انما بروحين ..اعرف انها الغسالة التوشيبا .. مش النملة المفجوعة

فلسفة الاتكفاء (وليس الاكتفاء)

2008-07-04T09:55:00.000-07:00

القط بجسدها المنهك فوق جزيرة القطن واحتل راسها مكانه فوق السحابة..كانت ساكنة كسون الشارع فى ليلة متاخرة لا يسمع فية الا صراع الرياح مع غصون الاشجار ..اخذت تحملق فى سقف الغرفة المزين بالنجوم الفسفورية اخذت تتذكر قصة تلك النجوم و متى وضعتها وكيف اخبرها الجميع (انتى مجنونة ..ربنا يشفيكى)..كانت فى ال15 من عمرها ..ابتسمت لاحياء ذكرى النجوم الفسفورية و عالمها الاول الذى صنعتة حينما زينت سجاد الغرفة و ارضيتها بتلك النجوم لتشعر ليلا انها تعيش فى مجرتها الخاصة ..تنهدت لذكرى الحياة ثم قامت (بجسدها) لتجلس امام شاشة الكومبيوتر لتتابع فيلما وثائقيا ..نظرت لها علىجزيرتها تتفحصها..كيف هى !! .. كانت صامتة صمت الاموات تحملق فى الاشيئ ..حتما هناك صراع داخل عقلها ما لبث ان فضح لسانها امرها و راحت تلقى بالتساؤلات تلو الاخرى.....

- هى :ليه بحس انك بعيد ة كدة و مستحيله بالشكل دة؟؟
ليه بحس انى موجودة وسط مجموعة من الديمونترات؟؟ ليه مافيش يوم يعدى الا و لازم النقط السودة الكبيرة اللى منقطة بالاسود؟؟ لية اول لما تحس ان جنحاتك هتبدء اهو يادوب يعنى تتفرد تلاقى شبكة وقعت فوق دماغك كتفتك و اعدت تخنق فيك؟؟ لية كل ما نرتفع نتكفى؟؟

- انا: عشان هى دى الحياة .. اول لما تفكرى بس انك تطيرى تلاقى ديمونتور رخم حدفلك بوسة فى الهوا تاخد منك ومضة السعادة اللى جايلك من بعيد و بعدين يرمى عليكى بالتعويذة اللى هى ترميكى سطيحه على الارض .. اخبرها ذلك و تعلو ابتسامة بلهاء فوق شفاهى

- هى : انتى سودة اوى يا بت من جوا .. قالتها مع تقطيب الحواجب و محاولة لاستنكار حالتى للتمسك بخيط الامل المتهتك

- انا : لا يا روحى دة مش سواد .. دة واقع يا امى .. وبعدين انتى اللى بصيتى ع السواد لانك بتدورى علية جوايا..لانه جواكى بس انتى بتكابرى.. جاوبتها مع نظرة تحدى اكدها برفع احد الحاجبين وخفض الاخر لابدو مثل الساحرة الشريرة وهى تاكد لسنوايت نيتها فى قتلها..

- هى : ها ..اتفلسفى و طلعى اللى فى جعبتك..بتعليق كلتا مقلتيها فى السماء كمن يخبر مجنون بمتابعة كلامة للنهاية

- انا : حسنا ..حسنا..م كان م الاول يا بنت الحلال ..ادى الفيديو وقفناه و ادى الصوت و قفلناه .. اسندت ظهرى بكل ارتياح على الكرسى ووضعت رجل على رجل ونظرت للارض لاستجمع كامل قواى للتركيز بصى دلوقتى انتى كل ما ترتفعى لازم و حتما هتتكفى ..متفقين على كدة ؟

- هى : متفقين

-انا : بصى ع الجانب الاخر .. الجانب المشرق من الاشياء .. كون الديمونتور الرخم دة مش هايسيبك فى حالك و بالمناسبة هو مش واحد دول ديمتونترات كتير حواليكى فى كل حتة المهم ..هيكفيكى مرة و اتنين و عشرة و الف لكن فى كل مرة الم السقوط و الجراح هتولد جواكى طاقة هايلة هتوصلك فى يوم من الايام انك ترمى علية تعويذتك و تخليه يتقلص قدامك لحد ما يبقى فى حجم الصرصار و تفعصى امه برجلك لحد ماتساوية بالارض و بعدها ترقصى رقصة الهنود المنتصرين .. فهمتى؟ :))

-هى : اممممم ..كدة تمام

-انا :بس دة فى حالة ان حضرتك عندك شهية على الحياة و اصرار و حلم عايشة عشانه و ارادة ..يعنى م الاخر واحدة عايزة تعيش صح .. الا صحيح مسالتنيش اشمعنى الصرصار؟ انتى ماعندكيش بديهية يا بت ؟؟

-هى :لآ ماعنديش ..قولى لى انتى

- انا: اعشان الصرصار كائن مقرف و مقزز دة غير انت بيتطرئع و انتى بتفعصية فتتلذذى بصوت الطرئعة و تعدى ترقصى على صوت الطرئعة كل مرة تفتكرى فيها الصوت :))

-هى: انتى مقرفة

-انا: دة اسمة لذة الانتقام يا حلوة... نيجى بئة للحالة التانية ..ممكن الالم و الجراح اللى جواكى تولد طاقة كبييييرة اوى جواكى لكن تكون طاقة سلبية تخليكى تدمرى كل حاجة حواليكى و تجرحى فى اى حد قدامك لانك مش هايفرق معاكى (لا حد و لا حاجة)..عارفة تبقى عاملة زى القنبلة بتاعة هيروشيما الاول تلقى تعويذة تشائم على البشر و بعدين تدمرى و تولعى و تكسرى فى اى حاجة حواليكى ف النهاية تكونى خربتيها .. ويطلع ناتج الانفجار على شكل فطر عيش الغراب ولما يختفى يبان تل الخراب ..انتى كدة خربيتها يبقى فاضل تطلعى على تلها ..الو لما تطلعى تبصى للخراب حواليكى و تعدى تضحكى تضحكى ضحكة الساحرة الشريرة ..ضحكة هستيرية ..وبعدين تاخدى فنس عميق و تبتسمى للحياة ولاول مرة فى حياتك من مدة طوييييلة تعملى حاجة بمزاجك .. عارفة هتعملى اية ؟؟ هتكفى نفسك من فوق التل .. عشان تكونى اتكفينى بايدك مش بايد غيرك..فهمتى يا لوزة؟.. و نفس الابتسامة البلهاء تعلو شفتى بصحبة نظرة شطانية

- هى : لم تنطلق ببنت شفة ..فقط اكتفت بنظرة الذهول الى فلسفة الاتكفاء او الانكفاء

على الخلفية اشاهد فيلم وثائقى عن انفجار هيروشيما نجازاكى واخبر نفسى

ان الاتكفاء قد يخلق ماهو افضل وقد يخلق ماهو اسوء من ذلك

ملحوظة ع الماشى :

ا لديمونترات :
demontors
كائنات خيالية فى قصة هارى بوتر ..هم حراس سجن ازكبان ..اذا تمادى احد المسجونين فى العصيان يقبلونة قبلة الموت..قبلة تجعله يعيش جسد بلا روح .. و فى الاصل يجعلون كافة المساجين بلا ذكريات سعيدة فيصابوا بالجنون..دوس على الكلمة هتسمع الدرينى و هو بيفسرها ..تفسيره هو اللى لفت انتباهى انها كائنات حقيقة و تعبير الديمونتور مأخوذ من الدرينى

عن الارق و ذكرياتة

2008-06-28T17:07:00.000-07:00

الارق .. هو صديقى الوفى حاليا .. حتى فى النوم اجده هناك يبتسم ابتسامة بلهاء ثم يضحك فى هيستريا واخيرا يقول

نوم اية يا امى اللى بتدورلى علية؟؟ بالله عليكى انتى شايفة نفسك تسحتقى النوم ؟؟ بالعربى انتى عملتى ايتها مجهود عضلى او فكرى النهاردة عشان تتعبى و تنامى فىاخر اليوم ؟؟ طبعا لآ ..يبقى ماتستنيش منى انى اسيبك و امشى ..قشطة يا لوزة !! -بردوا هنام -فرجينى يا حلوة
وبالفعل ادخل فى سبات ..احم احم ..ليس عميقا ..فانا اشعر بكل شيئ يدور حولى ..فتلك جارتنا تصرخ فى الطفل المشاغب ليغلق الثلاجة و تلك الاخرى تتكلم مع احدهم فى البلكون .. وهذا اخى يتجول فى الشقة (علىاساس انها حديقى الازهر) ثم الثلاجة و زجاجة المياة استطيع تخيل كل مايدور حولى من الاصوات و انا مغمضة العينين فاشعر كما لو انى مفتوحى العينين .. و انا بدعى ربنا انى انااااااااااااااااااااام ..

اول مرة عرفت الارق فى حياتى كلها كان عمرى لم يتعدى ال9 ..يوم وقفة العيد الكبير كنا فىالصيف وقتها و كان طقم العيد بتاعى عبارة عن فستان حملات و علية بلوروه لونهم اصفر و فيهم ورد .. كنا بينيت عن سيتى وو كنا بتاع 8 اطفال تقريبا هدينا بعض لعب فىاليوم دة و الكل دخل نام و صحبتكم فضلت تتقلب فى السرير يمين شمال فوق تحت مافيش فايدة.. ابص على الدولاب واتخيل ابو رجل مسلوخة هايطلع دلوقتى اقوم مغمضة عنية بسرعة بالجامد..شوية وافتحها و ابص على الشباك الصغير اللى فوق الدولاب و اتخيل ان نعناعة(مش لمون و نعناعة دى قصة تانية خاااالص هاحكيلكوا عنها قدام شوية) واقفة وراة بتشوف مين صاحى عشان تخطفة و تاكلة لكلابها وقوم اجرى اغمض عينى بالجامد وامثل انى نايمة لحد مااطمن وارجع افتح عينى تانى و فضلت على الحال دة لحد الصبح ..لما عمى جه اخدنا عشان نروح السخنه نقضى يوم على البحر ..نمت الطريق كلللللللللللة ماصحيتش غير لما هم صاحونا اول لما وصلنا و كنت عايزة اقضيها نوم بس البحر سحرة لا يقاوم ..وصاروخ انطلقنا كالقذيفة فى البحر و كنا فى منتهى السعادة لحد ما اكتشفت انا و اختى اكتشاف رهييييييييييب جدا .. ان احنا كنا لابسين خاتم دهب و ضاع فى البحر ..طبعا اتنكد علينا من بابا و ماما لما رجعنا و اتمنعنا من اننا نلبس دهب تانى .

الذكرى دى رجعنى لذكريات بيت سيتى وحواديت سيتى والنوم فى بيت سيتى .. سيتى كان بيتها بيت قديم اوى من 3 ادوار ..الدور الاول فى شقتين و اوضة ماعرفش مين ساكن فيهم ..بس كان فيهم واحد ساكن فيها راجل عجوز اسمة عم محمد.

عم محمد الله يرحمه :
دة كان راجل عجوز ساكن فى الدور الارضى اللى هو الحوش شفته مرة واحدة تقريبا و حتى مافتكرش ملامحة.. كان طالع يزعئ فينا عشان الدوشة اللى عملنيها ..وطبعا سيتى ماسبتش الفرصة تعدى بالساهل ..دى استغلتها اسوء استغلال ..وحولت عم محمد للسفاح اللى بياكل العيال الصغيرة عشان تخوفنا لو عملنها دوشة.. لما مات سالتها هو مات لية؟ قالت لى اصل ربنا افتكرة .. قلتلها ..وهو كان ناسيه لية؟؟

ابو رجل مسلوخة:
اما الاوضة الفاضية بئة فدى كانت اوضة ابو رجل مسلوخة - ايووون ابو رجل مسلوخة كان جارنا زمان - ابو رجل مسلوخة دة بئة كان عايش مع الفيران و الصراصير و اللى بيعمل حاجة وحشة بيتحبس معاه و ياكل فيران و صراصير بالعافية معاه و لو مسمعش الكلام كان ابو رجل مسلوخة بالكل العيل الغتيت دة - اصله مش بيحب الغتيتين و كل واحد على مانفسيته تجيبه - .. كنت دايما اعد افكر فى الاوضة دى و اتخيل الحدوتة اللى بنت عمى حكاتهالنا بتاعة البنت اللى مرات ابوها قتلت ابوها و حبستها فى اوضة الصراصير و الفيران و الحشرات و السلوعة -اوضة تعج بكل المخلوقات المخيفة ولو كان فيه على ايامنا خضروات مسرطنة كانت هاتحطط فى الوضة دى- المهم الست الوحشة دى نسيت البت فى الاوضة 10 سنين و البنت من كتر الجوع كانت بتاكل الصراصير ..تكسر راسها و يعدين تاكلها -وكان طعمها حلو على فكرة ععلى حسب الرواية يعنى- و كل يوم كانت تعد تكسر شوية فى الحيطة بكعب جزمتها لحد ماعرفت تخرج ..انا مش فاكرة باقى القصة بس هو دة المشهد اللى كان حازز فى نفسيتى اوى ساعتها عشان الاوضة دى كانت اوضة ابو رجل مسلوخة .
كان يا مكان فى رعب زمان:
تحذير : غير مسموح لاصحاب القلوب الضعيفة ..اى نعم دى كانت حواديت اطفال بس الامر مايسملش

اما الحواديت بئة و ما ادراك ما الحواديت ..كانت اسمها عندنا حواديت قبل النوم ..صلوا على رسول الله

بنت العفريت:

كان فية سطح علية فراخ ..ففرخة منهم وقعت فى المسقط و ماعرفتش تطلع و العفريت لقاها و اخدها ورباها معاه و قبل مايموت قالها ..لو مت خدى معدتى و اعمليها كيس و راسى اعمليها نجفة و مصراينى اعمليها حبل غسيل - العفريت كان عايز ينفع بلده حتى فى ماماتة يا جماعة و اللى يعمل خير زى دة مابيموتش - فبعد ما مات الفرخه اخدت دماغة عمليتها نجفة و مصراينة عملتها حبل غسيل و بقت تنشر عليها - مش عارفة لية ماكتفتش انها تقول عملت اللى قال عليه ..لية كانت بتصر انها تعيد بالتفصيل و لية كانت كل يوم تحكى نفس الحدوووووتة دى ؟؟؟ - و فى نهاية فيلم الرعب بتاع العفريت ابو الفرخة دة المفروض اننا نكون نايمين ولو شيطنا وذنا و فضلنا مفتاحين عنينا هناك نعناعة ماادراك ماهى الست نعناعة.. الصراحة تتقال كانت سعات بتغيرالحكاية و تحكى حكاية

مش افكرة اسم القصة بس خلينا نسميها الفسيخة:

مرات الاب اللى عندها بنت و مشغلة بنت الزوج شغالة و الامير هايحب البت الشغالة -زى كلللللل القصص- المهم ان يوم الزفاف مرات الاب هاتخبى البت الشغالة و تلبس بنتها بدل منها على انها العروسة و بعد الزواج لما الامير يرفع الطرحة عن وش العروسة و يعرف ياخدها و يقطعها حت حت و يفسخها -يعملها فسيخ يعنى - ويودي الفسيخ هدية للولية القرشانة دى و يحط صابع البت فى اخر العلبة و بعد ما الولية تخلص اكل و تقول دة احلى فسيخ انا دقته فى حياتى تبص و تلاقى الصباع و هو يرفع حاجب و ينزل حاجب و يقول بصوت جاهورى دى بنتك يا مدام عشان تعرى ان مش كل قط يتقالة يا مشمش هعهعهعهعهع

امنا الغولة:

وقصة البت اللى امنا الغولة خطفتها و كل يوم تفليها و تطلع الحشرات من شعرها والمفروض انها تاكلها بس هى كانت بتضحك على امنا الغولة و مخبية فى جيبها سمسم فترمى الحشرة و تاكل السمسم و تقولها الله حشراتك طعمها لذيذ بالخلطة السرية ...................وبردوا مش فاكرة باقيتها و الحمدلله انى نسيتها .. دى كانت بشعة بجد ..مش فاهمه هو احنا كنا بنسمع الحاجت دى ازاى؟؟

وصلنا لاخر محطة فى بيت الرعب لا و هى نعناعة:

دى ست كفيفة كانت ساكنة فى عشة جنب البيت بتاع سيتى او بالاصح كانت فى الخرابة .. كانت غلبانة و مقهورة و جوزها اللى لا يسامحة كان بيضربها بالكرباج فى وسط الشارع و يعد يشتمها و يسبلها على طوووووول (دى الحقيقة لكن اللى اتقلنا غير كدة) نعناعة كانت كفيفة و لانها فى خرابة فاكيد لبسها مقطع و مش نضيف نهااااااائى اكيد دة غير انها لابسة عشرتراشر قطعة فوق بعضها و شعرها ماعتقدش ان المشط كان يعرف طريقة...كانت تتمتع بالمؤهلات اللى تخليها امنا الغولة ..ناهيك اننا ماكناش نعرف امنا الغولة دى شكلها اية و كنا هبل و بنصدق اى حاجة المهم نعناعة دى كانت بتلف فى الشوارع و تلم الكلاب حواليها و تلف كل يوم بالليل و تشوف العيال الصاحية تخطفهم و تاكلهم للكلاب ..وعشان تعرف انها جت فى زمارة بتزمر عشان تحذر بيها العيال ..تعرفوا الزمارة دى كانت اية؟؟

؟؟؟؟؟؟؟؟؟؟؟
؟؟؟؟؟؟؟؟
؟؟؟؟؟؟
؟؟؟؟
؟؟
؟

كانت صوت الكلاكس بتاع بياع اللبن ..شفتوا القهر اللى كنت فيه و انا صغير ..صوت كلاكس اموتوسيكل بتاع الببن هو انذار قدوم الست نعناعة و عصابة الكلاب الضالة بتاعتها .. و طبعا اللى اكد مصدقية القصة دى ان فعلا نعناعة كان حواليها كلاب مش عارفة السبب .. سيتى وصلتنى لدرجة انى لو طلعت على سطح البيت و شفت كلب على السطح المجاور اجرى على البيت و استخبى عشان انا عارفة ان الكلب رايح يقول لنعناعة عشان تيجى تخطفنى.
ياااااااة كنت هانسى خزعبلات اللبانة..لو نمتى و انتى فى بئك لبانة الجنية هاتجيى تاخدها و انتى نايمة و تلزقها فى شعرك و لان فعلا كنت بصحى و اللبانة لازقة فى شعرى فكنت مصدقة ..اومال يعنى مين اللى حاطها فى شعرى !! ايوة يا جماعة الموضوع منطقى جدا ..اكيد الجنية

لآ و اية كمان عارفية الكور البيضة اللى كانت بتطلع م الوبر بتاع الهدوم .. كانت بتضحك على و تقولى دة يبض الملايكة :)) ... دة اية البساطة اللى هم كانوا فيها دى !!!

طيب كفاية عليكوا كدة عشان انا شايفة ناس شاعرها واقف وناس منورة نور البيت كلة ..يلا يا جماعة تصبحوا على خير .. وناموا بدرى قبل ما نعناعة تشم خبر
هعهعهعهعهع
:))

رسالة لا بد منها

2008-06-22T10:42:00.000-07:00

انا كتبت كتير و كل شوى اكتب و امسح ...انا مش عارفة اقولك ايه غير ياريت تعذرنى .. عارفة الالم اللى انا مسبباه..بس انا كمان مش مرتاحة .. ادعيلى كتير و ادعى لنفسك

تمنى على الله

2008-06-21T07:49:00.000-07:00

بابا امبارح قالى ... لو كان فى اى حاجة نفسك فيها بس اتمنى على الله ...اياكى تطلبى من البشر ... اطلبى من اللى فى ايده كل شيئ
انا هزيت راسى و سكت ..عشان انا عندى مبدء مايحك ضهرك الا ضفرك .. فبيكون تقيل على البى اصلا انى اطلب من بشر اى حاجة
المهم انى من كام يوم دخلت مدونة هات م الاخر بتاعة الدكتورة -باعتبار ما سيكون - انجى دكتورة علم النفس الشهيرة -باعتبار ما نتمناه ان شاء الله- و سالتها ان كان فى طريقة انى ادرس بيها علم نفس ,لانى من عاشقى علم النفس و الفلسفة ,المهم انى و انا بكتب الرد دة طلعت البلونة اللى بتترسم فوق الدماغ دى اللى بيكون فيها كلام _باعة الكرتون دى_ ومكتوب فيها ..ياسلام كدة يا بت يا اسو لو تلاقى كتب لفرويد ولا فورد و الحاجات اللى انتى بتدريسها ايام لما كنتى لسة طالبة ..هييييييييييييه ايااااااااام... المهم و خيراللهم اجعلة خير النهاردة اتكعبلت فى المدونة دى بتاعة نيرفانا اللى فيها اللى نفسى فية ..بجد يا نيرفانا حسيت انك هدية م السما ودة شكر واجب ليكى ..جزاكى الله كل خير.

نيرفانا بوك ستورز اهداء الى :

المهم هات م الاخر
الغزالى
ولكل الزوار

يا مرجيبحة

2008-06-20T18:40:00.001-07:00

يا مرجيحة مرجحينى

طلعينى و نزلينى

من سمانا قربينى

حبة حبة و رجعينى

يا مرجيحة يا شقية

مرجحينى شوية شوية

دانا بحبك زى عنية

واوعى مرة توقعينى

يا مرجيحة طيرى طيرى

زى ماطارات عصافيرى

عصافيرى بجناحات

بتسابق الطيارات

يا مرجيحة ياللا هوبة

طلعينى اعلى قبة

ولما الشمس تستخبى

على بيتنا روحينى

............

........

.....

لآ انا مش عايزة اروح

............

........

.....

لما الشمس تستخبـــى

جنـــب القمر روحــينى

جوة سحابة و نيمينى

وغـنيلى بصوت هـادى

مش عايزة اكتر من انى احس انى عايشة

**من اغانى الاطفال ايام زمان

مبارك اكثر زعيم يثق فيه شعب مصر

2008-06-17T14:03:00.000-07:00

استطلاع : مبارك أكثر زعيم يثق فيه شعب مصر.. وبوش الأقل ثقة بين زعماء العالم 6/17/2008 10:58:00 PM

اضغط هنا لتكبير الصورة

الرئيس مبارك يحظى بثقة المصريين بحسب استطلاع - رويترز

واشنطن-محرر مصراوي- أظهر استطلاع عالمي للرأي أجرى في 20 دولة تضم 60 في المائة من سكان العالم عدم وجود زعيم عالمي تجمع شعوب العالم على الثقة فيه.. بينما حظي الرئيس الأمريكي جورج بوش بأقل قدر من ثقة هذه الشعوب.. فيما كشف أن الرئيس حسني مبارك هو أكثر زعيم يثق فيه شعبه.. في الوقت الذي أبدى الفلسطينيون ثقة في زعيم حزب الله حسن نصرالله تفوق بكثير ثقتهم في رئيسهم محمود عباس.

وأجري الاستطلاع في الصين والهند والولايات المتحدة وروسيا وإندونيسيا ونيجيريا والمكسيك والأرجنتين وبريطانيا وفرنسا وأسبانيا وأذربيجان وأوكرانيا ومصر والأردن وإيران وتركيا والأراضي الفلسطينية وكوريا الجنوبية وتايلاند.

وأشار الاستطلاع الذي أجرته وورلد بابليك أوبينيون، وهي شبكة من مراكز البحث الأمريكية المتخصصة في استطلاعات الرأي والأبحاث السياسية، أن ثقة المصريين في الرئيس مبارك هي أعلى مستوى من الثقة يبديها شعب في زعيمه بين الشعوب التي شملها الاستطلاع حيث بلغت 94 في المائة.

أما بالنسبة للزعامة العالمية فقد وضع 47 من المصريين الرئيس الصيني هو جينتاو على رأس قائمة الزعامات الأقدر على قيادة العالم إلى الطريق الصحيح، ثم تلاه الرئيس الإيراني محمود أحمدي نجاد ورئيس الوزراء الروسي فلاديمير بوتين بنسبة 44 في المائة لكل منهما، بينما احتل بوش القاع على مؤشر ثقة المصريين حيث لم يحظ بثقة أكثر من 8 في المائة منهم.

لكن الغريب أن المصريين جردوا الأمين العام للأمم المتحدة بان كي مون من الثقة من حيث القدرة على تصحيح أوضاع العالم إذ لم يحصل على أكثر من 22 في المائة من أصواتهم في هذا الصدد، بينما حصل مشرف على 31 في المائة، والرئيس الفرنسي نيكولا ساركوزي على 32 في المائة.

وأشار الاستطلاع إلى أن الوحيد الذي لاقى تقديرات عالمية إيجابية هو الأمين العام للأمم المتحدة بان كي مون وذلك عند الإجابة على السؤال العام الذي وجه إلى من شملهم الاستطلاع وهو "من هو الزعيم العالمي الأجدر بالثقة في تصحيح أوضاع العالم."

ووضعت على قائمة الزعامات العالمية ثماني خيارات وهم بان كي مون، ورئيس الوزراء البريطاني جوردون براون، ورئيس الوزراء الروسي فلاديمير بوتين، والرئيس الصيني هو جينتاو، والفرنسي نيكولا ساركوزي، والإيراني محمود أحمدي نجاد، والأمريكي جورج بوش والباكستاني برويز مشرف.

وأعرب 16 شعبا من بين شعوب الدول العشرين عن عدم ثقتهم في الرئيس بوش الذي احتل المركز قبل الأخير من الترتيب قبل الباكستاني مشرف الذي صوتت جميع الأمم العشرين بعدم جدارته بالثقة، ولم يحظ بوش بآراء إيجابية إلا في دولتين اثنتين هما الهند ونيجيريا، بينما انقسم بشأنه التايلانديون.

ورغم قوة الصين الصاعدة، فإن أغلب هذه الشعوب لم تبد ثقة في زعيمها "هو جينتاو" إذ جاء تصويت 13 من هذه الأمم سلبا لجينتاو، بينما صوتت له إيجابا كل من نيجيريا وكوريا الجنوبية وإيران وأذربيجان وأوكرانيا وانقسمت بشأنه الهند.

وفي الأراضي الفلسطينية حظي الأمين العام لحزب الله حسن نصر الله بثقة 78 في المائة من الفلسطينيين مقابل 71 في المائة لرئيسهم أبو مازن، أما على مستوى الزعامة الدولية الأجدر بالثقة فاختار الفلسطينيون الرئيس الإيراني أولا ثم تلاه الرئيس الباكستاني مشرف، ولم يصوت سوى 3 في المائة فقط لصالح بوش.

كما أظهر الاستطلاع أن المستشارة الالمانية أنجيلا ميركل تحظى بمستوى من الثقة بين الفرنسيين (80 في المائة) أعلى كثيرا مما يتمتع به رئيسهم ساركوزي في بلده (67 في المائة)، وتتمتع ميركل أيضا بشعبية بين البريطانيين أكبر مما يتمتع بها براون نفسه الذي يحل رابعا في بلده بعد ميركل والأسباني خوسيه ثاباتيرو والبرتغالي رئيس اللجنة الأوروبية خوسيه باروزو.

وقد كسر الرئيس الأمريكي قاعدة "لا كرامة لنبي في وطنه" حيث لم يقتصر فقدانه لهذه الكرامة على الولايات المتحدة فقط بل وخارجها أيضا، إذ ثبت من خلال الاستطلاع أن رئيس الوزراء البريطاني جوردون براون يتمتع بشعبية في الولايات المتحدة أعلى مما يتمتع بها داخل بلده، ومما يتمتع بها بوش نفسه بين الأمريكيين، وأشار 59 في المائة من الأمريكيين إلى أن لديهم كثيرا من الثقة أو بعضا منها في
براون ، مقابل 42 في بوش، و 38 للفرنسي ساركوزي.

ولعل الاستطلاع يدق ناقوس الخطر للغرب وينبهه إلى أن سياساته قد بدأت تأتي بردود أفعال عكسية على مستوى العالم، إذ أن اثنين مما يصفهم الغرب بالديكتاتورية ويناصبهم العداء هم الآن على قائمة الزعماء الأكثر شعبية في العالم، وهما الروسي بوتين والصيني جينتاو، مما يعكس امتعاض شعوب العالم من الأسلوب الذي يتعامل معه زعماء الغرب مع هذا الكم من المشاكل العالمية، بينما يلفت إلى أى مدى وصل عداء الشعوب للرئيس بوش وسياساته، وليس بالضرورة للشعب الأمريكي الذي أصبح يشاطرهم شعور الامتعاض من زعيمه.

_____________________________________________________________

هو مين المصريين اللى هم بيتكلموا عليهم ؟؟؟

يارب الصبـــــر من عندك

نهاية الجولة الاولى

2008-06-15T07:40:00.000-07:00

فى مضمار الحياة وقبل الوصول الى نهاية الجولة الاولى قد يشعر جسدك انه منهك القوى و لا تقوى قدميك على الصمود اكثر من ذلك فتشعر بالالم يسرى فى اعضائك مسرى الدماء فى اوردتك و شراينك حتى يتملكك تمام , فلا تقوى الا ان تترك لجسدك العنان ليهوى من فوق ذلك الجبل الشاهق ,يهوى كما لم يهوى من قبل ..فتنظر الى السماء البعيدة و ان تهوى على ظهرك و تظل تراقبها و هى تبتعد عنك و تدرك تمام الادراك ان حتما هناك تصادم بين جسدك و صخور الارض على وشك الحدوث. فتغمض عينيك و تتمتع بلحظات الطيران نزولا الى الارض لا ارتفاعا عنها ,تشعر بان الهواء يتخلل جسدك و ان روحك اصبحت فى خف الريشة تداعبها الرياح كيفا تشاء .

الان اغمض عينك و تخيل انك تسقط من فوق الجبل الشاهق ,فاردا زراعيك على اتساعهما كما لو كنت تفسح المجال لروحك و كل ذرة الم بداخلك انت تتحرر من داخلك ,تنظر قليلا للسماء لتشهادها تبتعد فتتاكد انك لست فى حلم و انت تسقط فعليا , سقوطا تاقت له نفسك منذ زمن.
تمغض عينيك و تتمتع بتلك الحظات,لحظات سقوطك,تحرر روحك من جسدك الثقيل ,تحرر الامك منك و تحررك منها .. انت الان اصبحت مثل الهواء ,تندمج ذرات جسدك مع جزيئات الهواء لنتسج شيئا اخر لا هو مادى مثل جسدك و لا غير مرئى مثل الهواء ,فانت اصبحت خليط منهما..الان تشعر بالراحة ,لم تصدم بعد و هذا يعطيك شعورا اكبر بالراحة ..انها مرحلة النحرر و الثورة بداخلك ..انت تهوى..وتهوى ..وتهوى....فقط اغمض عينيك و لا تفكر الا بالاندماج مع الهواء........................................................................................................ الان تشعر برعشة خفيفة تسرى فى اوصالك ,رسالة يرسلها لك جسدك للتهيئة لتقبيل الارض ,للاصطادم بها , على الرغم من قسوة الاصططاد الا انه فى نعومة و حنان القبلة ,تتمتع بتلك الرعشة كما لو كانت ماء بارد يسرى فى عروقك بدل من الدم الساخن.................................................................................... طااااااااااااااااااااااااااااااااااااااااااااااااااااااااااااااااااااااااااااااااااخ ..حسنا الان و لقد اصطدمت بالارض , كالجمود صخر حطة السيل من على ,مازلت مغمض العينين تتخيل تلك الصخرة تتفتت و تتناثر فى ارجاء الكون معلنا التحرر , مالت نغنض العينين تستمع بلحظات الاصطدام و ما بعدها ..صدمة هزت ارجاء الكون فى داخلك ..

الان و قد سقطت .. انت ممد الارجل و الزراعين ,مستلقى على ظهرك بلا حراك فانت فى نظر المنطق ميــــــت.. انتظر قليلا حتى تستعيد قواك ....................................................................... ............ الان افتح عينيك و خذ نفساعميقا وانظر الى السماء كما هى بعييييييييييييدة ..يا اللــــــــــــــــــــــــــه ...كل هذا الرتفاع سقطته ...ازفر الهواء من داخلك الان انت انسان جديد..معافى من كل الجروح .. تمتلك و بكل فخر لقب كائن حى.. انت الان تستحقة و بجدارة.. هيا قف و افتح ذراعيك و احتضن الكون و ابتسم للسماء و در حول نفسك فى نشوة الفرحة و الانتصار هيا يا بطل لتكمل السباق فالجولة الثانية قد بدءت

اللعبة دى اسمها اية؟

2008-06-15T06:03:00.000-07:00

حد فاكر اللعبة دى اسمها اية؟؟

لا تتعجب انها ارادة الله

2008-06-12T16:21:00.002-07:00

فى وسط ذلك الكم من علامات التعجب و التساؤلات و الجراح و الالم وجدت تلك الكلمة ..كما لو كانت ترد على كل تساؤلاتى

لا تتعجب انها ارادة الله

يارب انا فوضت امرى ليك و انت عارف اللى انا فيه و حاسس بية ..يارب انا مش هاطلب انك ترحينى ..انا هاطلب منك انك تقدرنى ..يارب قدرنى و جازينى خير و ماتحرمنيش من رحمتك ابدا..يارب انت قلت انا عند حسن ظن عبدى بى و انا ظنى بيك خير ...يارب نورلى بصيرتى و قلبى

مش لاقية عنوان

2008-06-12T12:24:00.000-07:00

مقتطفات (2)

2008-06-11T04:01:00.000-07:00

تتسارع الأفكار في مخيلتي كتدفق السيل على انحدار الأرض.. لا اعلم لها مصدر.. و لا اعلمن لها مغزى ..مجرد أفكار بعيدة كل البعد عن بعضها -هكذا هي نظرتي لها- قد تكون مجرد كلمات مبعثرة..أو جمل عبثية تحاول الصعود إلى السطح ...ربما تود لفت انتباهي إلى شيء ما..ربما تود أن تصرخ في وجهي لانتبه إلى الطريق المراد الوصول الية..او ربما هى مجرد كلمات للكتابة فقط ..كتابة من اجل الكتابة ليس الا ..او تكون كتابة من اجل اعادة تريتب الذات و القاء كراكيب الروح بعيدة لرؤية اوضح من الداخل ...لا اعلم ..

**
مازالت تحت المظلة هناك ,. تجلس فى صمت الاموات..تستمع الى موج البحر..لا تكترث للمارة و لا حتى لمرور الوقت ..كم الساعة؟ ..كم لبثت هناك؟ ..لا تعلم و لا حتى تأبه

**
طائرة ورقية قد تحلق فى الافق البعيد و قد تفشل فى الطيران فالرياح و يد ذلك الطفل الصغير يتحكمان فى نجاحها من عدمة و لكنها صنعت للطيران ..

ذى احلامى( الطائرة) و هذة قوتى –كما اراها غالبا-( ورقية) ضعيفه قابل للانبعاج فى اى وقت ..و تلك هى الظروف( الرياح) ..اماا يد الطفل فهى من حولى ..

على الرغم من الظروف و من حولى وورقية قوتى الا ان احلامى صنعت كى تغزو افاق نفسى ..كى تصرخ فى وجوههم ..كى تفسح الغمام عن نفسها و تشرق كشمس دافئة فى سماء الشتاء
**

غنى العصفور ذلك الصباح ..غنى كما لم يغنى من قبل..فقد تكون اغنيتة الاخيرة...كم يزعجى غناء العصافير !!

**
الله دايم هو الدايم و لا دايم غير الله .. تذكرتها عندما قراءتها منذ ايام ..اخذت ارددها بينى و بين نفسى بنفس اللحن الذى سمعتة اول مرة و انا فى الصغر فى مسلسل طه حسين -اعتقد- عندما اجتاحت الكوليرا الانسانية ..

الله دايم هو الدايم ولا دايم غيرالله ..
الله دايم هو الدايم.... اذا كنت تجهل اللغة العربية سواء كنت اجنبى او كنت طفل لم ينمو عقله ليستوعب فكرة الموت بعد فلحن هذا المقطع يخبرك من تلقاء ذاته بالموت ..كان هناك لافتة كبيرة امامك باللون الاحمر كتب علية بالخط الاسود العريض المـــــوت ..انا الموت..انت تجهل معناه و لكن اللحن و شكل الكلمة يخبرك ما قد تفشل سنون عمرك في اخبارك بة ..لحن يبعث فى قلبى الخوف و الرهبة و الجزع و التخيل ..خوف و رهبة من الموت و من الحساب وجزع من الخوف و تخيل الى حال الناس عند سماع الخبر وفاتى ... الى الحياة بعد الممات..هل ساكون من اصحاب اليمين ام ...؟؟ اللهم انك عفو تحب العفو فاعفو عنى

ولا دايم غير الله ..المقطع الثانى فى نهايتة هناك منعطف ...منعطف –في حاله عدم تركيزى-يجعلنى اكمل العبارة و لا دايم غير الله الله اكبر كبيرا و الحمدلله كثيرا و سبحان الله بكرة و اصيلا لا اله الا الله ..نعم عزيزى القارئ انها تكبيرة العيد ..تكبيرة ترحيب من الله لعباده..اندهش للحظة ..فى البداية كان لحن اسود كشبح بارد يدلف –ما معنى يدلف لا اعرف و لا اتذكر اين سمعتها و لا اعرف سبب كتابتها- الى القلب و يجمده ثم تنعطف بك النغمة لتصل الى لحن الحياة ....هكذاهى الحياة اذن مثل حرف ال s ما ان تتوقع الوقوع فى البئر المظلم حتى تجد بساط تحت قدميك ينقلك الى البستان الاخضر..فالحياة كلها طرق و منعطفات

**
اكره اللون البنى.. فدائما ما اشعر انه لون اسود تحايل على نفسة .. يحاول ان يغير من ظلمتة الى لون مبهج..فلا عاد فى وقارة الاسود و لا فى بهجة الالوان .. كالغراب الذى حاول ان يمشى مشية الطاووس .. فلا نجح فى تغير اصلة و لا استطاع ان يعود الى طبيعتة..ورغم ذلك اعشق لون الشيكولاتة..البنى الداكن
**

كنت اخاف الغرق و حينما عشقت البحر تمنيت الغرق!!

**

صمت لا لانى لا استطيع البوح و لا لانى ما بداخلى اكبر من مجرد كلمات ..بل صمت لان بداخلى يوجد لاشيئ..عقلى و روحى مليئة بالهواء!!

**

متى اصل اشعر بقوتى و اتحمل سخافات الايام؟؟
حينما اشعر بقيمتى ..كلما زاد شعورى كلما زادت قوتى..فهى علاقة طردية .

**
لا اعلم اذا كان لدى قلب ام فقدة هو الاخر ..اذا كان لدى فاتمنى ان افقده .. و ان كنت فقدته فاتمنى ان اجده..فانا لا اشعر بالراحة تجاه نفسى!!

**

اذا لم تجد بداخلك غير البكاء و الشكوى و الغضب .. اعذرنى اعفينى من مهمة الاستماع لانى اصبحت من اسوء المستعمين..ليتك تتحدث الى الفراغ سيريحك الف مرة من التحدث مع شخص مثلي !!

**

ملحوظة:
اعتذر للمدونة بثينه عن تشابه الاسماء .. حدث ذلك بمحض الصدفة البحتة .. اسم المدونة و الوصف كانت خزعبلات كتبتها من سنة فاتت ايام الامتحانات ..و السنة دى قررت انى اعمل الاسم دة مدونة ..لانة بيعبر عنى كتير.. و بالصدفة كنت بدور على مدونتى ف جوجل عشان نسيت عنوانها و لقيت مدونة ليها نفس الاسم

عذرا..سامحينى

2008-06-04T23:08:00.000-07:00

اعذرينى يا امى و لكن قبل عذرى لكى سامحينى يا نفسى , نعم انا حمقاء,مجرد فتاة فى قمة الغباء , هكذا اعترفت اليوم لنفسى و انا فى قمة الاسترخاء على الاريكة و برودة المكيف تلفنى و تهدهدنى كالطفل فى المهد , سامحينى يا نفسى لانى تنازلت عن قلب و روح الطفلة بداخلى ,اعذرينى يا امى لانى اصبحت شخص اخر غير الذى شعرتى يوما بالفخر ببراءة قلبه و روحه .

لازلت اذكر كلماتك لى على الرغم من عدم تذكر الموقف, و لكن اتذكر الحوار الذى دار من 8 سنوات :
-يلا يا بنتى قومى صالحيها , معلش
-اشمعنى انا ؟!
-انتى بتنسى بسرعة و مابتعرفيش تزعلى و بتسامحى دايما, هى مش بتعرف تنسى و دة الفرق.
اذكر يومها انى نهضت من السرير و انا قمة الفخر و السعادة بنفسى و بشهادتك لى انى لا اعرف طريق للغضب و الحقد و الكره.. كنت دائمة الفخربين اصدقائى بتلك الصفة و بهذه الكلمات , كنت اشعر بحسدهن احيانا , و باستخفافهم احيانا اخرى .

اما اليوم فانا اعتذر لنفسى و لكى لانى تخليت عن قلب و روح الطفلة البريئة لاستبدلة بقلب و روح انسة راشدة ,قاسية ,غاضبة.. ذلك لم يكن يوما فى حسبانى و لكن ما حيلتى امام احلامى الضائعة؟ سعادتى المفقودة ؟ حقائق اراها امامى حقائق لاكتشف فى النهاية انها سراب؟؟ لم يستطع قلب و روح الطفلة انقاذى ,او حتى تضميد جراحى ...هل تعليمن معنى فقدان الحلم بالنسبة لى؟؟

لا يهم ان كنتى على علم او لا .. فلا داعى للعبث فى اوراق الماضى .. لن يغير الحاضر او المستقبل .. ولا داعى للبكاء على اللبن المسكوب و الاحلام المنتحرة..

نعم انتحرت الاحلام عندما رات اقرانها تقتل فى كل اكتمالة قمر و بزوغ فجر كان بعضها يموت و الاخر ينتحر ... فمابال الطفلة هنا ؟؟ بالطبع لن ولم تستطع الصمود .. بعد 18 عام من الطفولة , تخليت عنها و خسرتها لاكسب نضج و قوة احتمال و مثابرة -هكذا ظننت - لا انكر انى نجحت فى بعض الاوقات و لكن فشلت فى معظمها ولكن بالاضافة الى القوة اكتسبت القسوة على نفسى اولا ثم على الاخرين .اكتسبت الكرة تجاه الاشخاص و المواقف و الاماكن , اكتسبت سواد القلب و الغضب السريع و العصبية الزائد و كما قال المثل العبرة بالنهاية و هاهى النهاية جلية كشمس النهار.

خسرت كل شيئ -فتلك البراءة بمثابة كل شيئ بالنسبة لى - لاصطف فى النهاية فى مصاف الاغبياء الذين خسروا لكى يربحوا اللا شيئ

مش محتاج

2008-05-31T23:00:00.000-07:00

مش محتاج خضوع

و لا حزن و دموع
و حاجات مؤلمة

انا محتاج براح
و ابئى بمية جناح
و المس السما

منير

الحمدلله

2008-05-31T16:57:00.000-07:00

الحمدلله ان ربنا وهبنا الدموع عشان تطفى النار اللى جوانا
الحمدلله ان الدموع بتنزل من العين على الخد ترطبه و تطبطب علية
الحمدلله اللى ادانا حنفية و مية بتنزل منها عشان ابكى تحتها من غير ماحد يشوف الدموع
الحمدلله ان فى حاجة بستمتع اوى و انا بعملها
الحمدلله انى بعرف اصالحنى لما اكون زعلانة
الحمدلله ان فى اختراع اسمة سبورت كولا
الحمدلله ان فى فيرزر يجمد السبورت
الحمدلله انى فى كوباين سوداسية من تحت و مدروة من فوق عشان اشرب بيها السبورت
الحمدلله انى فى حد فى المنطقة بيبع السبورت
الحمدلله ان معايا تمن السبورت
الحمدلله ان مخطوبة لواحد مش بيحرمنى من حاجة و ساكن على اخر الشارع عشان يجبلى السبورت بسرعة
الحمدلله انى لاقيت السبورت بعد اليوم العصيب دة
الحمدلله ان فى نت و فى بلوج
الحمدلله انى بعرف استخدمهم
الحمدلله انى بكتب دلوقتى

الحمدلله...الحمدلله...الحمدلله...

انا التطور الطبيعى لنفسى

2008-05-19T23:01:00.000-07:00

سارة و شيماء اتنين شفتهم امبارح فيهم شبة كبير جددددددددا من اتنين زمايلى اسمهم سارة و شيماء بردوا و تقريبا كمان هم فى نفس السن او متقاربين ...الموقف ددة فكرنى بفكرة جاتلى من سنة او اتنين و انا فى الميكروباص و اعدت مدة شاغلة تفكيرى ..الفكرة او -ان شئت- سميها ارهاصات التفكير اللى بتحصل لما تقضى يوم من صباحية ربنا فى الشمس نائحة فى نافوخك و فى النهاية تروح بميكروباص كل حتة فية تحس انها هتقع منه و هو ماشى ..المهم هى كالتالى:

*انا كأنسانة .. مش جاية من فراغ .. صفاتى و شكلى و حتى اسمى و افكارى مش جاية من الهوا .. هتقولى اكيد الانسان ابن بيئتة ..لآ ..مش دة المقصود ..المقصود ان انا تطور ل انا.. يعنى كان فية من زمان اوى واحدة ليها نفس اسمى ( مش مهم الاسم اوى) و شكلها قريب منى و يمكن شبهى و ليها اساسيات صفاتى و بدائيات افكارى .. و كبرت و اتجوزت و خلفت و ماتت .. و كل جيل جه بعدها كان فية واحدة تشبهها لكن بتطور فى الافكار و الصفات و الشكل.. زى كدة ان فيروز التطور الطبيعى للحاجة الساقعه فدة مايمنعش انى انا التطور الطبيعى ل أنا فى الماضى .. الفكرة وضحت ولا جيت اكحلها عميتها؟؟

*بما ان فى علماء كتير جدددددددا اجمعوا على وجود حياة اخرى على الكواكب التانية ..يعنى فى احياء فى الفضاء الخارجى .. دة خلانى اطبق الارهاصات بتاعتى دى عليها .. ان فى على كوكب تانى واحد زى بالظبط و بمعنى تانى انا موجودة على كوكب تانى .. و لان فى فرق سنين ضوئية بين الارض و الكواكب التانية .. ف أنا (اللى ف الكوكب الخارجى) قد أنا و لكن فى مرحلة عمرية اكبر او اصغر منى .. وكمان ممكن تكون نسخة أنا القديمة (اللى كانت من زمان اوى اللى انا بدءت بيها النظرية) و ممكن تكون نسخة متطورة عنى

*هنروح بعيد لية !! خلينا على كوكب الارض ..انطلاقا من يخلق م الشبهه اربعين..فى نفس اللحظة اللى انا بكتب فيها الكلام دة فى واحدة بتعمل نفس اللى انا بعملة دة بالظبط بتكتب زى ..كلام زىى..او مختلف.. بمعنى تانى ان فى نسخة لى موجودة على الارض بس فى دولة تانية.

*المختصر المزيد للنظرية ان كل واحد فينا هو عبارة عن تطور لنفسة عبر الاجيال و دة اللى بيفكرنى بفيلم ايونا فلوكس

*اخر حاجة بئة احب اقول اللى هيقرى الكلام دة اللى هيقول على مجنونة او على الاقل اروح انام و اتغطى كويس ..انا لا مسطول و لا بطوح و معلش لو كنت ضيعت وقتكم بس انا كان نفسى اقول اللى ف نفسى :))

مقتطفات (1)

2008-05-17T18:56:00.000-07:00

رغبة ملحة فى البكاء
لا..ليس البكاء فالبكاء ضعف
بل رغبة عارمة فى الصراخ
نعم ,فى الصراخ
فالصراخ غضب
صراخ حتى انتهاء الغضب
......
مشروخ يا ناى ماتغنليش
.....
خايف اوعدك ماوفيش
اقولك فى تلاقى مافيش
......

:PS

forgive me

كانت ذكريات و دلوقتى مزبلة

2008-05-14T16:42:00.000-07:00

ورقة شيكولاتة,نص جنية مكتوب علية, قلم حبر,قلم جاف ,كارت شحن ,ورقة فاضية ,ميدالية قديمة........حاجات كتيييييييير بتكون جوة صندوق الذكريات اللى لما الدنيا بتضيق بينا بنفتحة و نعد نقلب فية و كل مرة نشوف الحاجات كأننا اول مرة نشوفها,نفرح كاننا رجعنا بالزمن ورى و عايشين الذكريات تانى , الورقة بالنسبة للغير هى مجرد ورقة,لا اكترو لا اقل, ورقة لا راحت و لا جت ,مجرد كركبة ,لكن بالنسبة ليك هى لحظة اتسجلت فى ذاكراتك,لحظة فيها مليون حاجة تخليك متمسك انك تحتفظ بالورفة دى ,جايز لانك خايف لو ضاعت منك الورقة دى لما تضيق بيك الدنيا و تفتح الصندوق و متلاقيهاش تنسى تفتكر اللحظة دى على الرغم من انها غالية اوى عليك.

النهاردة انا قررت انى اروق الاوضة,لانها مكركبة ,كل حاجة مش فى مكانها فى حاجات كتير مش المفروض انها تكون موجودة فى الاوضة , تمام بالظبط زى انا من جوا,فى كركبة و حاجات كتير مش ف مكانها و حاجات موجودة مش المفروض انها تكون موجودة, قررت انى اروق الاوضة جايز اروق انا من جوا - حدث و لا حرج - و انا برتب المكتب فتحت الادراج و اعدت اقلب فى الدوسيهات اللى موجودة لقيت ورقة بسكوت كتاكيتو -كنت من عشاقة ايام ثانوى- و ورقة شيكولاتة ريبل -ايام ثانوى بردوا كانت لسة الريبل طالعة جديد- و كارت فوفدافون بخمسين كل الحاجت دى بقالها بتاع 5 سنين ..مافتكرتش السبب اللى خلانى محتفظة بالحاجات دى ,طب الورقة دى اية مناسبتها -ماعنديش فكرة- مافيش غير كارت الشحن اللى كان هدية من اخويا لما نجحت فى 3 ثانوى, دة الحاجة الوحيدة اللى افتكرتها.

حاجات كتير كان ملى الدرج ..من كام سنة فاتوا كانت ذكريات و النهاردة لما فتحت الادراج لقيت ان اللى جوا دة مجرد كركبة ,كركبة و بس..مش لانى هانت عل ىالذكريات ,لآ ..دة عشان انا اصلا مش فاكرة اية مناسبة الحاجت دى ,يمكن تكون الشيكولاتة مثلا كانت من صاحبتى لما حبت تصالحنى !!! جايز

اقلام و ورق واتوجراف ...اعدت النهاردة افكر و اخرة دة كلة اية؟؟؟ و انا مش فاكرة اصلا مناسبة الحاجة دى..قلت افكر بواقعية شوية و قررت انى اجيب الباسكت جنب المكتب و هوب -جت ف الجون- الورقة الاولى فيها شخابيط معناها اية و انا ايش عارفنى , ورقة بسكوت ,ورقة شيكولاتة, حاجات غريبة مش لاقياها معنى...حسيت براحة بعد م المكتب فضى و اصبح كل اللى ف الادراج حاجات انا فاكرة فعلا الحاجات دى لية و اية مناسبتها و الاهم انها حاجات ممكن استخدمها دلوقتى ..ومن الحاجات اللى لاقيتها تحليل للنار كنت كاتباة ايم ثانوى بردوا..بعد نتيجة تالتة جاتلى فترة اعد ف الضلمة و اولع شمعة و اعد اتفرج عليها و كتبت تحليل يشبة الانسان بالنار..هبقى اكتبة ف بوست تانى ان شاء الله... استغربت من اللى انا كاتباة ..هو انا كنت فيلسوفة اوى كدة !!!!!!!

مش عارفة اية اللى كان بيخلينى زمان اتمسك انى اجمع الحاجات دى ...كنت فاكرة انى هفضل فاكرة مناسبة كل حاجة طووووووول العمر...ياااااااة ع الطيبة

و تركت محرابها

2008-05-02T04:00:00.000-07:00

لم اتخيل يوما ان تلك الفتاة سوف يصير بها الحال الى ماهى عليه الان

و لم اتخيل للحظة واحدة رغم ايمانى بان دوام الحال من المحال و لكن لم اتخيل ان يكون انحدار و بهذا الشكل .
طلقت براءتها ودعت الشيطان يسكن بداخلها اصبحت جوفاء كثمرة فاسدة منذ سنوات

كرهت تلك النظرة البريئة فى عيونها و التى كانت اكثر ما يميزها الى جانب ضحكيتها العفوية

و على الرغم من ذلك الكرة الا انها اشتاقت لهم و لكن لا جدوى من الاشتياق و فالاموات لا يعودون
كانت مثل الزهرة فى ربيعها تستطيع رائحتها الذكية الوصول اليك اينما كنت و فى اى وقت

تستطيع مشاهدة نورها من بعيد

و الاهم ان صورتها فى مخيلتك لا تفترقك, صوتها , ضحكتها , دموعها..

.كل ما بها كان كالخيال.

كان هذا هو راى من عرفها عن قرب

اما من راها من بعيد فراها كغرور بكل معنى الكلمة

راها كأميرة تعتلى العرض بكل غرور و كبرياء و لا تابه للرعيه من حولها

فهى ترفض ان يدخل احد لعالمها الملكى

كانت تفرح اذا سمعت تلك الكلمات من احداهن

لانها من قرارة نفسها تعلم ان ذلك لا يمت بالحقيقة بصلة و ان من يعرفها يجزم بذلك

مرت الفصول سريعا

شتاء فصيف فربيع فخريف

و هى مثل ما هى فى ربيعها

الى ان امتلك الخريف قبلها بذبوله

و امتلك الشتاء روحها ببرودتة

فاصبحت لا شئ يذكر سوى ذكرى يترحم من عرفها على ما كانت علية و ما صارت به.
تركت محرابها الامن

نزات من على عرشها

اختلطت بالعالم ببراءةعيونها و عفوية بسمتها و لم تكن على علم بحقيقة فعلتها و نتائجة

فذلك العالم اقذر ما يكون

كانت على وشك الانيهار

الا انها اصرت على التماسك و لكن

للاسف قدمت بعض التنازلات حتى تنقذ نفسها من الوحل

التنازل الاول كان عرشها حينما تركتة

و الثانى كان قلبها عندما قبلت ان تستبدله بحجر

و الثالث روحها حينما سكنه الشتاء

و الرابع لبسمتها التى ودعت برائتها و رحبت بابتسامة الشيطان

و الخامس كان لنظرتها التى تركتها تعبر و بكل صدق عن كل ما تحملة معانى الكرة و الاسف و البغض لهذا العالم و على حالها.

فاصبحت مثلهم بعد ان كانت غيرهم

The Sound Of Silence

2008-05-01T16:47:00.000-07:00

مش عارفة لية باقلى فترة الاغنية دى معلقة معايا اوى..وبحب اسمعها على الموبايل بالذات مش الكومبيوترعشان اعرف امارس هوايتى مع الاغنية دى بالذات بما انها دويتو ..احب امارس هوايتى انى مرة اشغل السماعة اليمين و افصل الشمال و مرة اشغل الشمال و افصل اليمين ..كل ودن بتدبنى احساس تانى و ممكن اقول كل مرة بسمعها بيكون ليها احساس مختلف

شوية احسها بتدينى امل و شوية احسها حزينة

Hello darkness, my old friend,
I've come to talk with you again,
Because a vision softly creeping,
Left its seeds while I was sleeping,
And the vision that was planted in my brain
Still remains
Within the sound of silence.

In restless dreams I walked alone
Narrow streets of cobblestone,
'Neath the halo of a street lamp,
I turned my collar to the cold and damp
When my eyes were stabbed by the flash of a neon light
That split the night
And touched the sound of silence.

And in the naked light I saw
Ten thousand people, maybe more.
People talking without speaking,
People hearing without listening,
People writing songs that voices never share
And no one dared
Disturb the sound of silence.

"Fools" said I, "You do not know
Silence like a cancer grows.
Hear my words that I might teach you,
Take my arms that I might reach you."
But my words like silent raindrops fell,
And echoed
In the wells of silence

And the people bowed and prayed
To the neon god they made.
And the sign flashed out its warning,
In the words that it was forming.
And the sign said, "The words of the prophets are written on the subway walls
And tenement halls."
And whisper'd in the sounds of silence.

القراءة للجميع(ولكن احترس اذا كنت من اصحاب حساسية الصدر)

2008-04-23T06:04:00.000-07:00

حوار :

-اية يابنتى مالك؟
-مخنوووووووووووووقة..انا مش بشوف ناس غير الللى معايا فى البيت..عارفة لما تبقى عايزة تصرخى جااااامد
-طيب ماتعملى اى حاجة تضيع الفراغ اللى عندك دة
-اعمل اية بئة؟؟
-مممممممممم
-اهدى طيب , اية رايك تنغدى برة فى اى يوم ؟
-انا عارفة ظروفك ,خليكى فى اللى انتى فية . انا بس بفضفض معاكى
-ظروف اية و بتاع اية , يانت دة انا زى الفل :))...سيبك ظبطى نفسك و كملينى فى اى يوم و نتقابفل نتغدى فى اى حتة و نروح سينما او نادى او اى مكان تغيرى جو انتى بجد محتاجة كدة.
-ربنا يسهل

دة حوار دار بينى و بين واحدة صحبتى و دة اللى شجعنى انى اكتب الجزء الاول من السويس قريتى الخنيقة...هعرفكم بالراحة الى السويس من خلال الحوار.

الجزء الاول انى قلت لها اعملى حاجة تضيع وقت فراغك .. اى حاجة زى؟؟ كورسات مثلا ؟ ندوات ؟ محاضرات؟؟ مكتبة؟؟

فى السويس مافيش غير مكتبة المحافظة و قصر الثقاف ومركز اثقافة و الاعلام .

الاول تدخل من باب على دهليز طويل اشبة ببتاع المخابرات اللى كان بيجى ايام سعد زغلول فىا لمسلسلات تلاقى اوضة فى يمينك فيها كام واحدة عمالين لوك لوك لوك لوك تدخل من سكات تفتح الدفتر بنفسك و تكتب الاسم و العنوان و تسال على اى كتاب يقولك فى القاعة الفلانية ..وتدخل انت زى الشاطر مع نفسك بئة فى القاعة تدور ...

عدد القاعات 4 قاعات, واحدة اد اوضتى تقريبا (صغير) و فيها مكتبة بردوا صغيرة و مكتب دى بتاعة كتب الكومبوتير اللى احدث كتاب فيها فى الفوتوشوب 7 -يا حلااااااااااااوة-

قاعة علم النفس و الفلسسفة قاعة ضيقة و طويلة ارضيتها خشب عتيييييييق ,سقفها عالى فيها لمبتين صفر نازلين من السقف بسلك طويل عشان يقربوا من البنش و فيها شباك - مع العلم ان كل الادوات سواء كراسى او بنش او خشب ارضية او شباك خشبها الزمن اكل منة و شرب- اما دهان الاوضة فده مش باين من التراب اللى علية ..مكتبتها ملاينة كتب بس تراب + اضاءة سيئة+طريقة رص الكتب وشكلها يوحيلك ان عندك صداع ( الاوضة دى بالذات ايام الابحاث كنت ابعت اصحابى يجيبوا الكتب منها و انا يا اما واقفة على الشباك ياما قاعدة فى قاعة التاريخ)

قاعة التاريخ حاجة كدة على راى صحبتى -كنزة- نفس اللمبة فى اللى القاعة اللى قبلها و بردوا شباك واحد فيها ترابيزة مستطيلة (حديثه نسبيا بالنسبة للعمر الافتراضى للمكتبة) وحواليها كام كرسى و كتبها مش مترتبة لدرجة اننا كنا دايما ندخل نلاقى الترابيزة دى مفروشة كتب من اليوم اللى قبله.

قاعة بعد كدة ماعرفش دى بتاعة اية بس كنا بندخلها لما تضيق بينا السكك متهيالى كانت مخزن او فيها الكتب اللى مالهاش مكان ,.....مش عارفة

المكتبة دى اتعملها تجديدات خارجية و يظل الوضع على ماهو علية..يكفى اننا كنا بنفض ايدنا بعد ما نمسك الكتاب دة فى حالة لو ممسكناش الكتاب و نفضنا بية الترابيزة ..ماشفتش كتاب اعلى من طبعة 2005 على ما اعتقد..ممكن يكون مر على التاريخ دة و يمكن لآ بس اغلب الكتب اللى كنت بستخدمها كان من ايام عم الاويح بتاع الخشب

الف حمدالله على السلامة خلصنا الجولة بتاعة اول مكان ..و اللى اول لما تخرج نفسك تقول لنفسك كفارة لانك هتغمض عينك اول لما تخرج لما تشوف نور الشمس ..بجد كنت دايما بحس انى داخلة معتقل او سجن..ماهو كل حاجة فيها عتيقة دة غيرالاضاءة المهببة و التراب و العناكب...لية حق مش كدة؟؟

قصر التقافة مكان شيك جدا جدا جدا جدا (ماقولكوش علية)من اليافطة اللى علية يظهر للزائر ان فى عروض مسرحية تقام فية لكن عمرى ماشفت عرض للامانة و لا شفت اى اعلان للعروض دى الا على باب القصر..
قصر الثقافة هو اسم على غير مسمى تدخل من الباب فى وشك مكتب علية واحد ياخد بطاقتك و يخليك تمضى و تطلع كام دور كدة على حسب ذاكرتى كان اغلب الشبابيك ازازها مكسر -تحس ان كان فيلم اكشن بيتصورفية او يمكن حرامية كسروا الشابيك و طلعوا يسرقوا الكتب الثمينة اللى فوق !!! اللى اعلم -و طول ما انت ماشى ,طالع ,نازل فى قطط ماشية معاك دة لو مانطتش قدامك من اى شباك , دهان المكان شبة معدوم على طبقة تراب مش كثيفة خاااااالص ,تطلع تقريبا دورين و تمشى ممر طويل و تاخد اول يمين او شمال مش فاكرة عشان تلاقى المكتبة ..تدخل تلاقى دفتر على ترابيزة تمضى فيه بردوا و ممكن تسال امينة المكتبة على اللى انت عايزة ..الحق يقال الست فعلا بتساعدنا و مريحة فى شغلها ,لكن للاسف بردوا الكتب اللى موجودة ماكنتش بتساعدنا كتير اما لانها قديمة اما لان المجال اللى احنا عايزينة مش موجود.

الف حمدلله علىالسلامة خلصت الجولة بردوا و اول لما تطلع تقول الحمدلله انى ماعنديش حساسية من القطط

مركز الثقافة و الاعلام دة اللى حكاية حكاية مكتبتة فيها كام كتاب بتعدوا على كل رف!!!!!!!!!!!!!
رغم ان الاوضة فعلا نظيفة و جميلة بس المادة العليمة عندهم غير متوفرة

تتخيلوا ان كان عندنا بحث عن قارة افريقيا مالقناش كتب نقدر تعمل منها بحث و الدكتور كان حاكم علينا اننا نجيب من كتب مش من النت و تحت الظروف دى اضطر انه يلغى فكرة الكتب!!!

دكتور عماد كان قبل ما يطلب بحث يدور فى مكتبة الجامعه عندنا علىالكتب اللى على اساها هايطلب بحث وللاسف كان بيشتكيلنا من قلة المصادر و كان بيجبلنا كتب من القاهرة نعمل منها الابحاث بتاعتنا و نرجعهاله.

الابحاث بالنسبة لينا كانت وسيلة للعقاب عشان لا مكتبة الجامعة نافعة و لا المحافظة و لا فى اى حاجة ممكن نعترف بيها تحت مسمى مكتبة لدرجة ان الدكاترة المنتدبين من كليات خارج السويس فى الاول كانوا بيفتكرونا مش عايزين نتعب لما يلاقوا ان مصادرنا فى ابحاثنا واحدة و يمكن الكلام متشابه لكن بعد كدة عرفوا ان مافيش مصادر عشان يبقى فية تنوع عندنا.

من سنة او سنتين تقريبا قرءت فى صوت السويس ان هم هيفتتحوا مشروع مكتبة سوزان مبارك ...بس واضح انه كلام جرايد

اما لو حبيت تاخد كورسات عندك المركز البريطانى و جمعية الشابات و الشبان المسلمين و معهد الجيش يكفى اوى ان الشهادات بتاعتهم مش معتمدة فى اى جهة دة الى جانب ان اعلى مستوى مياهلكش ان يطلق عليك لقب متمرس...عاااادى بيتحصل كتير

يتبع.......

برئ براءة الذئب من دم ابن يعقوب

2008-04-21T15:31:00.000-07:00

كلنا درسنا تاريخ فى المدارس سواء كان فى ابتدائى او اعداداى او حتى ثانوى و فى اللى ربنا كرمهم و درسوه كمان فى الكلية..درسنا فترة الاستعمار الفرنسى و الانجليزى و العثمانى و الهكسوس و كل من هب و دب و انبهر بجمال المحروسة عد العدة و العتاد و لم الجيوش و هووووب نط ع البلد جاب عليها و اطيها.

مش مشكلة هنا التفاصيل انا اللى عايزة اتكلم عنه الاكاذيب -وان شئت سميها الاخطاء- اللى فى التاريخ من ان الهرم الاكبر بتاع خوفو مثلا - الدراسات اثبتت انه كمل بناء الهرم لكن مش هو اللى بناة اصلا فى قبلة ملكين او تلاتة تقريبا ساهموا فى بناء الهرم - و اخطاء فترة الاستعمار الفرنسى اللى اهم حاجة كانت فيها و اخر حاجة تقريبا فى الدرس كانت مقتل كليبر و اللى كان على يد مين؟؟؟

سليمان الحلبى ..برافو برافو برافو ...كلنا عارفين دى كويس....

مش احنا بس احنا و الاجيال اللى فاتت كلها من يوم لما كليبر اتقتل و اتوقع كمان ان اكيد يعنى فرنسا مسجلة التاريخ بتاعها ان بردوا سليمان الحلبى هو القاتل الحقيقى يعنى اكيد الفرنسويون كمان مصدقين نفس الكذبة اللى احنا كمان صدقناها .

زمان كان المدرس اما يعد يمجد فى سليمان الحلبى ,اما يقول ان فى شك فى الموضوع دة -بس الكلام دة سر بينا و بين المدرس- انا اية اللى خلانى اتكلم عن الموضوع دة؟؟

ماعرفش لية امبارح افتكرت دكتور عماد هلال شمس الدين ,دكتور التاريخ الحديث فى كلية التربية جامعة قناة السويس, اكتر بنى ادم اتعاملت معاه اقدر اقول علية انسان بمعنى الكلمة, ادب,اخلاق,نزاهة,ضمير..مهما وصفت و مهما قلت مش هاقدر اوفى الشخص دة حقه.
دكتور عماد هلال هو اول شخص يبحث فى مصدقيتة مقتل كليبر و اللى اثبت بالدليل القاطع ان سليمان الحلبى براءة الذئب من دم بن يعقوب .. وان القاتل الحقيقى لكليبر هو منافسه و عدوه اللدود مينـــــــــــو
مش هاقدر انسى لما كنا بندرس قضايا مصرية وجه الفصل بتاع القضية دى اد اية هو اصر اننا ندرس القضية دى بالذات -علىالرغم من انه مش مقررها علينا- على العكس عشان هى طويلة هو اكتفى اننا نعرفها و شرحلنا كل ملابسات القضية و كل الادلة اللى تبرء الشهيد و البطل سليمان الحلبى و تدين مينــــــــو ..كان متحمس اننا نعرف الحقيقة , لدرجة خليتنى ليلة الامتحان اقرء القضية دى رغم انها مش مقررة علينا..حسيت بالفخر ان الحقيقة ظهرت ...

امبارح لما افتكرت سألت نفسى سؤال...ياترى وزارة التربية و التعليم هاتغير المنهج و تكتب الحقيقة ولا هتفضل الكذبة تدرس للاجيال اللى بعد كدة ؟؟ و السؤال الاهم ياترى الوزارة عرفت بموضوع اللبحث دة و لا هى نايمة فى التراوة؟؟
ولحد امتى هنفضل ندرس للعيال اخطاء؟؟ واية الفايدة من كدة؟؟ هنتعب اية لما نصحح الاخطاء دى و نقول الحقيقة؟؟

صحيح انى اصحح مثلا حكاية الهرم دى مش هتعمل فرق كبير اوى - وجهة نظرى الشخصية - لكن قضية زى مقتل كليبر دى هتعمل فرق ,قضية زى قضية موت الجنود فى عهد محمد على بردوا هتعمل فرق لانهم لا ماتوا و لا نيلة المسالة و مافيها تلفيق تهم و تأليف تاريخ وتدنيس للعصور

ملحوظة:
اللى يعرف دكتور عماد* يبلغة سلامى..يقول لة ان فى طالبة كانت عندك بتشكرك مليون مرة على كل ابتسامة ابتسامتها فى وشها فى يوم كانت الدنيا ضيقة فى وشها, بتشكرة مليون مرة على كل لحظة حسسنا فيها ان احنا اد المسؤلية و ان احنا بنى ادمين ,على كل لحظة حسسنا فيها بقيمتنا و قيمة راينا و احترامة لينا و تقديره لظروفنا,على كل لحظة حسسنا فيها انه مش مجرد دكتور ,دة اب و اخ و معلم و قدوة و حاجات تانية كتير.
* هو اخر واحد اعد على الشمال

سر الحياة

2008-04-14T13:10:00.000-07:00

تنبثق الارض من الارض كرها و قسرا ثم تسير الارض فوق الارض تيها و كبرا..و تقيم الارض من الارض القصور و البروج و الهياكل و تنشئ الارض فى الارض الاساطير و التعاليم و الشرائع ثم تمل الارض اعمال الارض فتنسج من هالات الارض لاشباح و الاهاوم و الاحلام ثم يراود النعاس الارض فتنام نوما هادئا عميقا ابديا,ثم تنادى الارض قائلة للارض انا الرحم..انا الميلاد و القبر و سأبقى رحما و قبرا حتى تضمحل الكواكب و تتحول الشمس الى رماد

جبران خليل جبران

انا جربت

2008-04-10T12:57:00.000-07:00

جربت تحس انك جواك متكتف وان مشاعرك فيك بتموووووت؟؟؟
جربت تحس انك مش عايز حد تشوفة و انك قادر واحدك تبنى دنيا كبيرة و تحط حدود؟؟؟
جربت تصحى لوحدك؟؟؟
تمشى لوحدك؟؟؟
رغم ان الشارع ناسه كتييييييرة!!!
جربت تخاف و تحس فى وسط ضلوعك قلب ازاز؟؟
جربت تنام و تحب الحلم فى نومك اكتر من يومك؟؟
جربت تصدق انك مش عايز حد؟؟

جربت-فيروز كراوية

ماسورة بنى ادمين طفحت فجأة

2008-04-09T14:30:00.001-07:00

السويس قريتى الصغيرة اللى كلها على بعضها اد كازوزة الكاكولا..السويس قريتى الحبيبة الخنيقة ..ماقدش اقول انها متخلفة لانها مش بتعوم فى الترعة و الناس فيها عارفين البهارسيا و اضرارها و ان كان فى بعض الاماكن العيال بيموتوا فى اللعب فى مية المجارى (عادى بتحصل كتير) لكنها كمان مش متقدمة

السويس اللى اد البريزة و اللى مرة احدهم واصفها انها اخرها يكون فيها واحد وواحدة عواجيز يقضوا اللى باقى من عمرهم فيها و يستجموا, وفى وصف اخر انها تتلف كلها بالعربية ف نص ساعة او فى سيجارة -مش فارقة كتير-

السويس حبيبة قلبى و اللى بتمنى انى ابعد عنها شوية عشان توحشنى.. زمان كنت بفضلها على اى مكان و خاصة القاهرة عشان كانت هادية و الناس فيها قليلة و تقدر تتمشى بمزاج براحتك و الشوارع واسعة و اخر فل...لكن من الصيف اللى فات و ظهرت ظاهرة غريبة جددددددا...بقى فى كمية بنىادمين بشكل غريييييييييب ماكنوش موجودين قبل كدة و كمية عربيات فاقت عدد البنى ادمين و المواصلات بقت زى العملة النادرة ..

-هى الناس كلها فى الشارع لية؟
-حرانين نزلوا الشارع
-دة الشارع بقى حر من كتر البشر مايعدوا فى بيتهم فى المكيف...هو مافيش حد راح يصيف و لا اية؟؟
-يصيفوا !!! منين يابنتى هو حد لاقى ياكل

فكرة تدعو الى التفكير........طب لو هو ماحدش لاقى ياكل العربيات دى كلها جت منييييييييييييييين؟؟

الصيف خلص و الدراسة دخلت و قلت فل و لما الشتا دخل قلت فلين الناس هتخف فى الشارع لكن المفجأة انها كترتـــــــــــــــ !!!!
بجد انا مش لاقية تفسير للظاهرة دى ...الصيف اللى قبل اللى فات كانت الشوارع عادية و مافيهاش زحمة لكن من الصيف اللى فات بس و الناس بقت كلها هربانة من بيوتها و تحسهم عايشين فى الشارع !!!!

نظريات و خرافات:

بنات السويس بنات قللات ادب...دى كلمة بسمعها من زمان و كتير و خاصة من بنى ادمين خارج اطار السويس يعنى عايشين فى محافظات تانية و السبب اللى طلع النظرية دى ان البنات لما بيطلعوا كليات خارج السويس القرية الصغيرة (اللى مافيهاش غير كلية تربة و تجارة و هندسة بترول و تعليم صناعى و معهد كومبيوتر و بسسسسس) بتروح تقابل الواد بتاعها فى البلد اللى هى فيها ..يعنى هى ماشية على الصراط جوة البلد عشان هى كازوزة كاكولا ومتعرضة فى كل خطوة هتلاقى حد تعرفة ..و مجرد مابتخرج برة البلد حيث المكان اللى ماحدش يعرفها فية هتنحل و تمشى على حل شعرها..ستوووووووووووب حبة
هى اللى بتعمل كدة مين قالى انها ماشية على الصراط جوة البلد و حتى لو ..هو مافيش بنات فى القاهرة بتروح تقابل ولاد و لا بنات مرتبطة ؟؟!! ماهى فى كــــــــــــــــــل مكان فى و بعدين القاهرة كبييييييييرة السويس كلها على بعضها ماتجيش اد مدينة نصر يعنى اللى عايز يقابل فى القاهرة مش هايضطر انه يسافر على يبعد عن المناطق اللى اهلة او معارفة هايشوفوة فيها ...يبقى دة مش مبرر عشان تتعمم نظرية بنات السويس قللت ادب.... انا مش بدافع عن الحرية و الارتباط و الكلام دة كلة انا بتكلم على نظرية هبلة الناس مصدقاها (الناس اللى تسمع عن السويس اصلا)

بنات السويس شكلهم وحش و لونهم اسود محروق فاضل يقولوا شعرهم مجعد مفلفل و انفهم افطس...على اساس ان السويس دى قارة زنجية؟؟؟
النظرية دى واحدة بورسعيدية قالتهالى و انا فى السعودية و اكدتلى ان هى دى نظرة البورسعيدية عن السويس عشان هى قريبة من البحر فاكيد الشمس نائحة فيها طول السنة فباتالى لازم نكون شبة مناطق خط الاستواء ..استغربت انى من السويس و بررت استغربها بالنظرية دى .. و انا استغربت انها من بورسعيد -من مدن القناة- و السويس كمان للى مايعرفش من مدن القناة يعنى المحافظتين زى بعض اكيد مش هيبقى فية اختلاف تضاريس لدرجة نبقى احنا زنوج و هما قوقاز

اما بقى عن لية انا بسميها القرية الصغيرة فدة فبوست تانى ان شاء الله

حسبى الله و نعم الوكيل

2008-03-28T13:15:00.000-07:00

لآلآلآلآلآلآلآلآلآلآلآلآلآ كدة افووووووورت اوى اوى اوى اوى منهم..مش معقول اللى بيحصل دة !!!
الفيديو بتاع شرح القران و اياتة جايبين ايات شارحينها غلط و جابين عليها ادلة كمان غلط ..لو اترجم اللى قبل الاية و اللى بعدها هايطلع توضحهم ليها غلط مية فى المية ..مش معقول كمان يجيبوا ضحايا عرب و يقولوا دول اجانب و العرب هم اللى قتلوهم ولا معقول يجبوا شيعة يعنى دول مش مسلمين صح و يقولوا بصوا بيعملوا اية دول بيقطعوا عيالهم عشان ذكرى الحسين ولا معقول كل حادثة ارهاب بدل ما تتسجل ضد مجهول ولا يدورا على الجانى ينسبوها للعرب!!!!
ولا معقول حتى انهم يقولوا العرب ارهاب و سايبين اللى بيحصل فى العراق و فلسطين ..شم فاهمة يعنى زفت البرك اللى عمل القيديو دو ماكلفتش خاطرة يشوف على الاقل فيديو الضمير العربى !!!
ولا كلف خاطرة يدور فى التاريخ على كتاب برتوكولات حكماء صهيون و يشوف لية الكتاب دة ايام الاحتلال البريطانى لمصر الكتاب دة اتمنع من النشر و حصلت حرب شرسة من تحت الطاولة من اليهود على اى شخص و اى بلد تحاول انها تنشر الكتاب دة !!!!!
حسبى الله و نعم الوكيل

after see the movie i will say one word
(( allah ordered us when we are in a war not not kill any women or child or old pepole <>
if he orders us to do that can he ordered us to kill or seek blood??

we only fight the evil..

there is sum pix in the movie showa israil kills the arab NOT arab kills israil..if u seek the truth look for videos about israil in palstine or travel there.

we are not evil..and seek the truth and watch what israil and usa doing in Flastin and Iraq
click her

تحديث:
قرءت فىالجريدة ان الفيلم اتقلب ضد الهدف اللى اتعمل عشانة..بدل مايحاربوا الاسلام فى 3 هولنديين اسلموا و المصاحف الالكترونية المفسرة زادت مبيعتها بشكل كبير..و يارب مايطلعش كلام جرايد....
"و يمكرون و يمكر الله و الله خير الماكرين"

المسلمون يتسائلون..

2008-03-23T15:31:00.000-07:00

المسلمون يتسائلون.. و يريتهم ماسالوا يا خويا ...

(يحرص برنامج "المسلمون يتساءلون"على قناة المحور على مناقشة الأحوال الحياتية للمسلم من منظور ديني ) دة اللى هتلاقى لما تدور على الجوجل على اسم البرنامج و هتلاقى على موقع اسنة طوف وشوف ..انا شخصيا ماعنديش تلفزيون عشان اتفرج علية بس اللى خلانى ادور علية الفتوى التالية:

نظرا لعجز الشباب عن الزواج بسبب تكاليفة الباهظة فن القبلة بين الشاب و الفتاة غير المتزوجين ليست حراما و ان الناس ستتاكد من صحة كلامى هذا بعد خمسين عاما من الان

يا حلولوى يا حلولوى...وكمان واحدة يا حلولى كمان..
على انى مذهب بئة؟؟؟ مذهب كلة عند العرب صابون ولا مذهب بوس الواوا؟؟؟و ياترى هنتاكد من دة بعد خمسين سنة لية ؟؟؟ عشان من كتر م الكلام دة هايحصل هيبقى الواحد زاهد البوس يعنى نظام اللى تملكة العين تزهده النفس و لا ايه!!!!

اصلا لما دورت على البرنامج لقيت الاراء تدور ان دة برنامج مستفز و مايصحش يتعرض اصلا لان الناس فتحت فية على الرابع و اغلب الاسئلة اللى فية اسئلة (ج) يعنى دة باعتبار اننا خلاااااااااص فهمنا كــــــــل حاجة فى الدين تتعلق بالصلاة و الصوم و الطهارة و الميراث و حقوق ربنا علينا و كل كل كل حاجة و مافضلناش غير الحاجة دى بس اللى مش فاهمينها..لدرجة ان الاسئلة تعددت ال (ج) العادى و الطبيعى و الفطرى و وصلت لاسئلة (شاذة) و كدة علنى على مسمع كل الناس الناس بئت تسال !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

بجد كلام مستفز و اللى يستفز اكتر جمعية منع البوس :

طبيب مصرى يعلن انشاء جمعية لمنع القبلات بين الأزواج 6/ 11/2007

في تقليعة جديدة لا يعرف أحد الهدف منها أعلن دكتور عادل عاشور أستاذ

طب الأطفال بكلية الطب جامعة القاهرة عن رغبته في انشاء جمعية لمنع القبلات بين الأصدقاء و زاد على ذلك بإعلان رغبته في منع القبلات بين
الأزواج و هو الأمر الذي بدا غريبا وفجر المناقشات داخل المجتمع
المصرى و عن السبب الرئيسي في طرحه فكرة إنشاء الجمعية أكد دكتور عادل أن كافة الأبحاث العلمية التي نشرت في كبرى المجلات الطبية العالمية أجمعت على الأضرار الطبية الخطيرة التي يسببها تبادل القبلات من خلال انتشار العدوى من الأمراض الخطيرة الفيروسية و الميكروبية وأبرزها الأمراض الجلدية و يأتى على رأسها حب الشباب و من الأمراض الميكروبية;مثل مجموعة الميكروبات العنقودية و هي ميكروبات موجودة في فم الإنسان
بصورة طبيعية كذلك الحمى الشوكية و الأمراض الفيروسية التي تنقلها القبلة أيضا مثل الزكام و الرشح والتي يجب عدم الاستهانة بها حيث قد تصيب الخلايا المبطنة لخلايا ا لمخ و ينتج عنها ارتفاع شديد في درجة الحرارة يصعب السيطرة عليها و قد تؤدى الى الوفاة في بعض الأحيان أيضا التهاب الغدة النكفية و كذلك الحصبة الرمادية و الألمانية و الفيروسات الكبدية و أكد أن الجمعية تضم في عضويتها كافة التخصصات الطبية لشرح الآثارالسيئة للقبلة وعن رأى الدين في أهداف هذه الجمعية أكد الدكتور إسماعيل معروف بجامعة الأزهر أن تعاليم الدين الأسلامى تحرم القبلة في غير الإطار الزوجي وقد أكد العلم على وجود إضرار جسيمة لذلك وعن أراء المواطنين حول هذة الجمعية المزمع إنشاءها تنوعت الآراء بين الرفض و القبول هدى محمد طالبة بكلية العلام وصفت الإعلان عن الجمعية بأنه كوميدي و لا يهدف سوى الى لفت النظر الى القائمين عليها إذ افتقد الإعلان عن منع القبلات الأساليب التي سوف تتبع للتأكد من حدوث هذا المنع
=======

يعنى سيبك من انها بلد قليلة الادب لآ دى كمان سفيقة و الادهى انها مختلة عقليا.

اعترافات

2008-03-19T15:28:00.000-07:00

هو انا قلت لك من اسبوعين فاتو انا عايزة سبيس و اترجيتك انك ماتكلمنيش لمدة يوم واحد بس احس فية بنفسى ..و زعلت و اطنطتت لما كلمتنى فى نص اليوم و خليتة اسبوع نكد - بما انى نكدية بطبعى - تتخيل بئة ان نفس الشخص اللى كان بيترجاك تسيبلوا سبيس هو نفس الشخص اللى بيكتب دلوقتى و بيقولك

وحشتنــــــــــى

و كل دة عشان شفت دموع مستخبية ورا عيونك , سمعت صوتك و هو مخنوق , شفت حزن فعنيك ماشفتهوش قبل كدة ...انا مش عايزة سبيس تانى انا عايزاك ترجع تانى ..و فى نفس الوقت مش عايزة نرجع زى زمان بس و الله العظيم

بحبـــــــــــــك

صحيح انا عنيدة و رخمة و مستفزة و ماعنديش ذوق -فى بعض الاحيان ماتفرحش اوى كدة - لكن مع ذلك انا كويسة و طيبة -و ساعات بتحول عادى يعنى- و حنينة - مش اوى - بس خلينا نمسك اقل حاجة و احسنها انى ام العيال -باعتبار ماسيكون ان شاء الله - متهيألى بئة دى كفاااااية اوى اوى اوى انك تضحى بساعدتك كلها فى سبيل اسعاد ام العيال - مش مهم العيال هم لسة ماجوش-
سعات كتير بسال نفسى انت لية مستحملنى رغم رخمتــــــــــــى و استفزازى الشديد و برغم صعوبة السؤال جاوبت وقالت حـــــلة اقصدى ام العيال ...مش كدة مش دة السبب اللى مخليك راضى بقضاء ربنا و مسلم بالقدر

خلاص خلاص خلاص هاعترف انى غلطت ..اسفة عارفة انى غلطت فيك و ان فى افكار فى دماغى عايزة الحرق و ان دماغى فيها شوية صراصير -بيبهات - و انك عندك حق فى اعتراضك بس المشكلة انى اتعودت ان فى بنى ادمين موجودين فى الحياة عشان يقرفوك او يكونوا مجرد كركربة تملى حياتك و خلاص وجودهم زى عدمة عشان كدة مش بحاول اصلح اى مشكلة مع اى حد غلط فى بسامحة من جويا و كفى الله المؤمنين القتال ,صباح الخير يا جارى انت فى حالك و انا فى حالى ..اصلها مش ناقصة رخامة و سخافة .....طيب طيب طيب مايصحش انى اخاصم مسلم بس انا مش بخاصم انا بشطبة بس من دفترى بس يوم لما يحتاجنى مش هاديلة ضهرى صدقنى هساعدة و الله انا مش سودة بس انا اتعلمت ان اللى يبيع انا اشترى منة اصل فى الاول و لا الاخر انا ماليش غير نفسى

بص بئة م الاخر بدل اللت و العجن دة عايزة اقولك

انا اسفة
انت صح
هساعدك على اللى انت عايزة ..بس انت كمان ساعدنى
وحشتنى اوى
بحبك

ايوة انا (1)

2008-03-19T09:29:00.000-07:00

ايوة انا اللى فصلت تليفونات البيت و التطور الطبيعى انى هافصل كهربة جرس الباب

ايوة انا من السويس..مش فاهمة اية العيب اللى فى كدة ..اى نعم هى قرية صغيرة و انا اتخنقت منها بس بحبببببببببببببها

ايوة انا مدرسة تاريخ و بكرة التدريس وشايفاه اسوء مهنة و التاريخ بالنسبة لى حاجة جميلة بس مش للدراسة

ايوة انا بحلم بالاستقلال وانا بنت مش ولد

ايوة انا انسانة اذن من حقى انى ازعئ و اتعصب على مش عاجبنى

ايوة انا اللى كسرت الزارعة و انا بلعب بكورة التنس على الباب

ايوة انا مابحبش يكون لحد جمايل على

ايوتين تلاتة اربعة انا عصبية و ساعات لما يكون مقتنعة بحاجة صعب انى اسمع راى مضاد للى فى دماغى

ايوة انا باكل اللحمة المفرومة و الجبنة الرومة بس انا مش بحبهم و باكلهم رخامة على الذات

ايوة انا نفسى اعمل طيارة ورق من جلاد الكراريس زى زمان و اطلع اطيرها فوق السطح او انزل العب بيها فى الجنينة

ايوة كان نفسى من صغرى انى اركب خيل و اتعلم المبارزة بالسيوف

ايوة انا عاقلة احيانا و مجنونة احيانا اخرى و مخى صغير فى بعض الاحيان بردوا ..اصل التغيير مطلوب

ايوة انا دايما جوايا صراع بين تصرفات طفلة جوايا و بين انسانة جادة و انا بفضل تصرفات الطفولة بس بضطر انى اتعامل بجدية و دة اللى بيدينى قساوة قلب فى بعض الاحيان

ايوة انا برخم عليك كتيييييييييير ..اصل تصرفاتك بتثير حفيزتى نحو الرخامة مش عارفة لية ..مش بعرف ارد على اى سؤال من غير مااعد الف وادور والعب حاورينى يا تيتة

نظرية قلة الادب

2008-03-19T08:11:00.000-07:00

مصر شعبها -معظمة- قليل الادب, اية اصعبة دى ؟؟

على اعتبار ان تعريف قلة الادب ان هى كل فعل مش عاجب اى حد يبقى مصر كللللللللها قليلة الادب لان كللللللل المصريين مش عاجبهم تصرفات بعض و النظرية دى تطبق على اى مكان و اى شعب على فكرة انا ماقصدش شعبى الحبيب الشعب المصرى بعينة و لا حتى برجلة انا بتكلم بصفة عامة .....

انك تتعصب :قلة ادب و مش من حقك اصلا تتعصب انت بتدلع
شاب بيزعئ فى صاحبة او فى حد كبير : دى قليلة الادب.
واحدة لابسة لبس رش : دى قليلة الادب.
شخص ما اعترض على راى دكتور فى المحاضرة : قليل الادب.
حدة شتم : قلة الادب.
سواقين الميكروباص: قللات الادب. عشان بيشتموا
الكوافيرات: قللات الادب. عشان بيقولوا الالفاظ زى بتاعة السواقين
واحدة حاطة ميكب اوفر: قلة ادب و كمان ماترتبتش.
واحدة بتشرب سجاير: نهار اللى جابوكى لون شعرك فين اهلها دى !!
تعترض على راى اهلك فى مستقبلك :قلة ادب و خسارة التربية فيك.
لو نصحت حد اكبر منك :دى بئة قلة ادب و سفاقة و حشرية و انت مالك يا سخيف.

كل دة لو اعتربنا ان الشخص ما دة شاب او شابة يبقوا قللات الادب و لان تلتربع شباب و شابات الشعب الحبيب كدة يبقى اييييييية؟؟ قللات الادب (دة الاثبات الاول)

طيب لو اعتبرنا ان اللى بيعمل كدة دة شخص كبير و ناضج و اصلع و لية كرش؟؟؟ يبقى بردوا قليل الادب بس الادب و الاحترام يقولوا اننا مانقولهومش فى وشهم دى قلة ادب..عييييييييييب دول مهما كان اد اهلينا (دة الاثبات التانى)

بما ان الشباب و الشيوخ قللات ادب فمستحيل الاطفال يكونوا مؤدبين ..اصل هايجبوه منين يا حسرة !!!!!

نفسى افهم وجهة النظر اللى بتقول انك عيب تعلى صوتك لكن الكبير من حقة يسبلك لو عايز

ان حرام و عيب -خد بالك ان الحرام جة الاول- ان البنت تشرب سجاير و حلال حلال حلال -ودقى يا مزيكا- ان الولد هو اللى يشربها لآ و زيد على كدة الشكل الاجتماعى و كام كلمة شيك كدة جنب الحلال اللى فوق دة لو كان المدخن حد كبير.

عيب و قلة ادب و تجرمة و ماافيش رباية لو الطالب زعئ فى المدرس بتاعة طب اذا كان المدرس اصلا هوزء و مش محترم نفسة ولا محترم قدسية مهنتة دة غير ان هو اللى بيعمل العيال قلة الادب يبقى اية بئة العيب اللى فى كدة !!

لما دكتور يحور فى المحاضرة و ممكن مايحورش و يسالش سؤال مباشر : تعرفوا اية عن الثقافة الجنسية؟؟ دة بيقى راجل مثقف و عايز يثقفنا معاه ولو اعترضنا يبقى دة تخلف و رجعية مننا لكن لو اتكلمنا احنا فى الكلام دة يقام علينا الحد طبعا

بنت ترتبط: دى قليلة الادب دى ماشية مع واد..ماشية على حل شعرها...اما لو ولد شفتى ياختشى ابنى اسم الله علية مقطع السمكة و ديلة, مدوب قلوب البنات , او فى بعض الاحيان بيكون يلا معلش الواد طايش يا خويا و بكرة يعقل

انى معيار بئة الكبار بيعايروا بية عشان ابقى عارفة؟؟؟
انا اعرف معيار الحرام و الحلال - و دة مافيهوش كلام -و العادات و التقاليد - اللى فيها خزعبلات احيان زى كدة ان عمل الحواجب عادى رغم ان (لعن الله النامصة) - لكن ماعرفش معيار على كل لون يا بطستا و كلة عند الكبار صابون

لو كلامى اللى فوق دة صح و هو صح و انا مقتنعة تماما بكدة يبقى يؤسفنى انى اعلن ان فعلا احنا ( البنى ادمين) قللات الادب و انا كدة اثبت نظريتى ان قلة اادب دى دلوقتى بئت زى كرات الدم الحمرا و البيضا ماشية فى دم الانسان و بتغذى كل خلية و لا تعيرنى و لا اعيرك دة الهم طايلنى و طاليك و اللى بيتة من ازاز مايحدفش الناس بالطوب..مش كل شوى يتقال

دى قلة ادب
عشان لو حصل كدة هتكون
حاجة اخر قلة ادب الصراحة
و سلملى على جوزو يا رمضان بية
:)